खोज

 काठमाडौं ।

निर्वाचन आयोगले आउँदो निर्वाचन निर्धारित समयमै सम्पन्न गर्न आवश्यक सम्पूर्ण तयारी गरिसकेको जनाएको छ । कार्यवाहक प्रमुख निर्वाचन आयुक्त रामप्रसाद भण्डारीले आयोग निर्वाचन सम्पन्न गर्न पूर्णरूपमा तयार रहेको जानकारी दिएका हुन् ।

गृह तथा कानून, न्याय र संसदीय मामिलामन्त्री ओमप्रकाश अर्याललाई स्वागत गर्न बिहीबार आयोजित कार्यक्रममा बोल्दै आयुक्त भण्डारीले निर्वाचन आयोग कानुन बमोजिमको दायित्व पूरा गर्न प्रतिबद्ध रहेको स्पष्ट पारे ।

ूकामबाट पछि हट्ने छुट हामी कसैलाई छैन, उनले भने, निर्वाचन समयमै सम्पन्न गर्न आयोग पूर्णरूपमा तयार छ । त्यसका लागि पूर्वतयारी थालिसकिएको छ, र सबै कर्मचारीहरू खटिइसकेका छन् । सबै जिल्ला र प्रदेश निर्वाचन कार्यालयहरूमा आवश्यक तयारी पूरा भइसकेको छ।

आयुक्त भण्डारीले राजनीतिक दल र स्वतन्त्र उम्मेदवारहरूलाई निष्पक्ष, स्वतन्त्र र निर्वाध रूपमा प्रचारप्रसार गर्ने वातावरण सुनिश्चित गरिने उल्लेख गरे । उहाँले निष्पक्ष, भयरहित, स्वच्छ र मितव्ययी निर्वाचन गराउने आयोगको दृढता दोहोर्याए ।

ूनिर्वाचन प्रक्रियामा कसैले आयोगको निष्ठामाथि प्रश्न उठाउने स्थिति आउन दिनेछैनौं, उनले, हाल देशको शान्ति सुरक्षा स्थिति चुनौतीपूर्ण छ । कतिपय स्थानमा सुरक्षाकर्मी बस्नुपर्ने भवनसमेत छैन, प्रमुख जिल्ला अधिकारीको कार्यालयहरू समेत कतिपय ठाउँमा क्षतिग्रस्त छन् ।

कार्यवाहक प्रमुख आयुक्त भण्डारीले यदि सरकारले आवश्यक अध्यादेश चाँडै ल्याएमा, आयोगको काम जस्तै मतदाता नामावली संकलन लगायतका प्रक्रिया सहज रूपमा अघि बढ्न सक्ने विश्वास व्यक्त गरे ।