© २०२३
५ पुष २०८२, शनिबार
५ पुष २०८२, शनिबार
काठमान्डौ, १ असोज ।
नवनियुक्त ऊर्जा मन्त्री कुलमान घिसिङले जेनजी पुस्ताको माग र वर्तमान परिस्थितिलाई बुझ्दै नेपाल विद्युत प्राधिकरणका कार्यकारी निर्देशक हितेन्द्रदेव शाक्यलाई सन्देश दिएका छन् । जेनजी आन्दोलनपछिको समय र जनताको आवाज बुझेर बाटो खुला गर्नुपर्ने घिसिङले बताएका छन् ।
साउन महिनामा कार्यकाल सकिने कुलमानलाई हटाएर तत्कालीन सरकारले हितेन्द्रदेव शाक्यलाई कार्यकारी निर्देशक नियुक्त गरेको थियो । मन्त्री घिसिङले सबै पक्षले विवेकपूर्ण निर्णय गर्दै आजको मागअनुसार समाधान खोज्नुपर्ने र त्यसपछि मात्र वैकल्पिक उपायहरूमा सोच्न सकिने बताए । आन्दोलनका क्रममा हितेन्द्रदेव शाक्यको घरमा आगजनी समेत भएको थियो ।
हितेन्द्रदेव शाक्य जेनजी आन्दोलन अघि नै सरकारी कार्यक्रममा सहभागी हुन कोरिया गएका थिए र आज स्वदेश फर्कने क्रममा छन् । शाक्य आफैँले परिस्थिति बुझेर पद त्याग गरुन् भन्ने आशय मन्त्रीको रहेको निकट स्रोतले जनाएको छ ।
© २०२३
सर्वाधिकार सुरक्षित
Design & Developed By:
