© २०२३
७ पुष २०८२, सोमबार
७ पुष २०८२, सोमबार
काठमान्डौ, ३१ भदौ ।
जेनजी युवाको आन्दोलनका क्रममा ज्यान गुमाएकाको आज राष्ट्रिय सम्मानसहित अन्त्येष्टि गरिँदै छ । मृतकका परिवारजन र आफन्तले शवयात्रा निकाल्ने तयारी गरेका छन् ।
शवयात्रामा सहभागीहरूले मृतकका तस्बिर र राष्ट्रिय झण्डा बोकेका छन् । शोकमग्न वातावरणबीच कतिपयले ‘निस्सन्तानलाई के थाहा, जेनजीको सपना रु’ लेखिएको कपडाले शरीर ढाकेका दृश्य देखिएका छन् ।
सरकारले मृतकलाई शहीद घोषणा गर्ने, राष्ट्रिय सम्मानका साथ अन्त्येष्टि गर्ने र असोज १ गते राष्ट्रिय शोकस्वरूप सार्वजनिक बिदा दिने निर्णय गरेपछि परिवारजन अन्त्येष्टि गर्न तयार भएका हुन् ।
भ्रष्टाचारविरोधी आन्दोलन र सामाजिक सञ्जाल प्रतिबन्धविरुद्धको प्रदर्शन हिंसात्मक बन्दै ७२ जनाको ज्यान गएको थियो । मृत्यु हुनेमध्ये धेरैजसो गोली लागेर ज्यान गुमाएका थिए भने केहीको शव आगलागीमा जलेको अवस्थामा फेला परेका थिए ।
मृतकका शव त्रिवि शिक्षण अस्पताल महाराजगञ्जमा संकलन गरी पोष्टमार्टम र पहिचान प्रक्रिया सम्पन्न भएपछि आफन्तलाई जिम्मा दिइएको छ । केही शवको पहिल्यै आफन्तले बुझेर अन्त्येष्टि भइसकेका छन् भने आज रसिक खतिवडा लगायतको शवयात्रासहित अन्त्येष्टि गरिँदै छ ।
© २०२३
सर्वाधिकार सुरक्षित
Design & Developed By:
