© 2026
१९ माघ २०८२, सोमबार
१९ माघ २०८२, सोमबार
काठमाडौं,२९ भदौ ।
नेपाली कांग्रेसले प्रतिनिधिसभा विघटनलाई पुनः अलोकतान्त्रिक र असंवैधानिक करार गरेको छ । आइतबार एक विज्ञप्ति जारी गर्दै उपसभापति पूर्णबहादुर खड्काले पार्टी प्रतिनिधिसभा विघटनको विरोधमा दृढ रहेको स्पष्ट पारे ।
खड्काले प्रतिनिधिसभा विघटनको कदम संविधान र त्यसद्वारा प्रत्याभूत नागरिक अधिकारमाथि कुठराघात भएको उल्लेख गरेका छन् । उनले भने, “जनताबाट लोकतान्त्रिक विधिबाट निर्वाचित देशकै सर्वोच्च प्रतिनिधिमूलक संस्था प्रतिनिधिसभाको विघटन पूर्ण रूपमा अलोकतान्त्रिक र असंवैधानिक छ ।
यसले संघीय लोकतान्त्रिक गणतन्त्रात्मक शासन व्यवस्था र समावेशी राज्य निर्माण गर्ने संविधानको मूल भावनामा चोट पुर्याएको छ ।” उनले यो कदमले लोकतन्त्र र संविधानलाई कमजोर बनाएको तथा सर्वोच्च अदालतका विगतका फैसलासँग पनि विपरीत भएको आरोप लगाए ।
यसबाहेक, खड्काले जेनजी आन्दोलनका क्रममा भएको क्षतिको वास्तविक मूल्यांकन तत्काल सुरु गर्न र भदौ २३-२४ का घटनाको निष्पक्ष छानबिन प्रक्रिया अघि बढाउन सरकारलाई आग्रह गरे ।
© 2026
All rights reserved.
Design & Developed By:
