नेपालगञ्ज, २७ भदौ ।
काठमाडौंमा भएको ‘जेन -जी’ प्रदर्शनमा ज्यान गुमाएका नेपालगन्ज-१ धम्वाेझी एउटै टाेलका दुई युवाकाे पार्थिव शरिर आज नेपालगन्ज ल्याइएको छ । जेनजी आन्दोलनका क्रममा प्रहरीको गोली लागी ज्यान गुमाएका नेपालगन्ज–१ धम्बोझीका २३ वर्षीय सुलभ राज श्रेष्ठ र १९ वर्षीय आयुष थापाको पार्थिव शरीर बुद्ध एयर मार्फत नेपालगन्ज ल्याईएको हो । सुलभको अन्तिम संस्कार आजै गरिदैछ ।
उनलाई श्रद्धाञ्जलीका लागि उनले अध्ययन गरेको भेरी इङ्ग्लिस मिडियम विद्यालयमा केहीबेर राखिएको थियो । त्यसपछि ठूलो संख्नयामा आफन्गत, स्थानीय युवाहरुको सहभागितामा नगर परिक्रमा गराइ राप्ती नदीको सिधनियाघाटमा अन्त्येष्टिकालागि लगिएको छ । नगरपरिक्रमा गराउने क्रममा युवाहरुले नेपालको झन्डा फहराउँदै बीर सहिद अमर रहुन भन्ने नारा लगाएका थिए ।
आयुषको भने भोलिमात्र अन्तिम संस्कार गरिने पारिवारिक स्रोतले जनाएको छ । उनका आफन्तहरू बाहिरबाट आउनुपर्ने भएकाले अन्तिम संस्कार भोलिसम्म सारिएको हो । यसबीचमा परिवार, आफन्त, मित्र तथा सहपाठीहरूले दुबै युवालाई श्रद्धाञ्जली अर्पण गरेकाछन् । स्गथानीय युवाहरु बेलुकी ७ बजे रानाचोकमा दुबै युवाको चिर शान्तिको कामना गर्रिदै द्वीप प्रज्वलन गर्दै छन् ।
१९ मंसिर २०८२, शुक्रबार
