© २०२३
१९ मंसिर २०८२, शुक्रबार
१९ मंसिर २०८२, शुक्रबार
काठमाडौँ ।
ब्राजिलका पूर्व राष्ट्रपति जैर बोल्सोनारोलाई २०२२ को राष्ट्रपतीय निर्वाचनपछि सत्तामा रहिरहन कूको षड्यन्त्र रचेको अभियोगमा देशको सर्वोच्च अदालतले दोषी ठहर गरेको छ । अदालतको ५ मध्ये ४ न्यायाधीशको बहुमतले गरिएको फैसलाअनुसार उनलाई २७ वर्ष ३ महिनाको जेल सजाय सुनाइएको हो ।
यो फैसला ब्राजिलको इतिहासमा लोकतान्त्रिक व्यवस्थामाथि आक्रमणको अभियोगमा दोषी ठहरिने पहिलो पूर्व राष्ट्रपतिको रूपमा बोल्सोनारोलाई दर्ज गर्छ ।
अभियोजन पक्षले उनलाई लोकतन्त्रप्रतिको अपमानका रूपमा चित्रण गर्दै “अहिलेसम्मकै सबैभन्दा गम्भीर कृत्य” गरेको आरोप लगाएको थियो । बोल्सोनारोको यो सजाय उनको नेतृत्वमा सञ्चालित पपुलिस्ट आन्दोलनका लागि गम्भीर धक्काका रूपमा हेरिएको छ ।
बोल्सोनारो हाल घरमै नजरबन्दमा रहेका छन् । सम्भावित भाग्ने जोखिमलाई ध्यानमा राख्दै सुरक्षा कडाइ गरिएको जनाइएको छ । अन्तिम सुनुवाइमा उनी अदालतमा उपस्थित थिएनन् ।
बोल्सोनारोले भने आफूमाथि लागेको अभियोगलाई २०२६ को राष्ट्रपतीय चुनावमा भाग लिन नदिने नियोजित प्रयासका रूपमा व्याख्या गर्दै आएका छन् ।
© २०२३
सर्वाधिकार सुरक्षित
Design & Developed By:
