© २०२३
५ पुष २०८२, शनिबार
५ पुष २०८२, शनिबार
काठमाडौं ।
सर्वोच्च अदालतमा भएको आगजनीका कारण सबै मुद्दाको सुनुवाइ अनिश्चितकालका लागि स्थगित गरिएको छ ।
मंगलबार जेनजी आन्दोलनका क्रममा सर्वोच्च अदालतमा लागेको आगोले अदालत पूर्णरूपमा क्षतिग्रस्त भएपछि यस्तो निर्णय गरिएको हो ।
अदालतका मुख्य रजिष्ट्रारद्वारा बुधबार बिहान जारी गरिएको सूचनामा अदालतका मिसिल, सर्भर र इजलास पूर्णरूपमा जलेर नष्ट भएको उल्लेख गरिएको छ ।
त्यसैले आजका लागि तोकिएका सबै पेसीहरू स्थगित गरिएका छन् भने भोलिदेखिका सुनुवाइहरू अर्को सूचना जारी नहुँदासम्मका लागि स्थगित गरिएको जनाइएको छ ।
आगलागीका कारण अदालतको प्रशासनिक र न्यायिक सेवा पूर्ण रूपमा प्रभावित भएको छ । अदालत पुनः सञ्चालनमा ल्याउन आवश्यक संरचना निर्माण, दस्तावेज व्यवस्थापन तथा प्राविधिक पुनःस्थापनाका लागि समय लाग्ने अनुमान गरिएको छ ।
घटनापछि सर्वोच्च अदालत परिसर सुरक्षाका दृष्टिकोणले सिल गरिएको छ भने प्रहरी र नेपाली सेनाले संयुक्त रूपमा अनुसन्धान र क्षति मूल्यांकनको काम अघि बढाएका छन् ।
© २०२३
सर्वाधिकार सुरक्षित
Design & Developed By:
