© 2026
१५ माघ २०८२, बिहीबार
१५ माघ २०८२, बिहीबार
काठमान्डौ, २३ भदौ ।
अष्ट्रेलियाको मेलबर्नमा दुई नेपाली नर्स, सरला खड्का र अरिजा सुवालको सडक दुर्घटनामा निधन भएको छ । उनीहरू १४ वर्षदेखि घनिष्ठ साथी थिए ।
मेलबर्नस्थित प्रतिष्ठित अल्फ्रेड अस्पतालमा नर्सका रूपमा कार्यरत सरला र अरिजा, अरिजाको ३०औँ जन्मदिनको अवसरमा बाहिर जाँदै थिए । भिक्टोरिया प्रहरीका अनुसार उनीहरूले चलाइरहेको कार सुरुमा एक कंगारुसँग ठोक्किएको थियो ।
घाइते कंगारुलाई सहयोग गर्ने उद्देश्यले उनीहरूले गाडी रोकी सडकमा ओर्लिए, तर खराब मौसम र कम प्रकाशको कारण पछाडिबाट तीव्र गतिमा आएको अर्को कारले उनीहरूलाई ठक्कर दियो ।
दुर्घटनास्थल क्रेगीबर्नमा ३० वर्षीया सरला खड्का घटनास्थलमै निधन भइन् । अर्की ३० वर्षीया अरिजा सुवाललाई हेलिकप्टरमार्फत अस्पताल पुर्याइए पनि उपचारका क्रममा उनको पनि निधन भयो ।
दुर्घटना गराउने कारका चालकले भने घटनास्थलमै रोकिएर प्रहरीलाई अनुसन्धानमा सहयोग गरेका छन् ।
© 2026
All rights reserved.
Design & Developed By:
