© २०२३
२७ मंसिर २०८२, शनिबार
२७ मंसिर २०८२, शनिबार
बुटवल, २३ भदौ ।
सामाजिक सञ्जाल बन्दको विरोधमा बुटवलमा जेनजी पुस्ताका युवाहरूले प्रदर्शन गरेका छन् । उनीहरूले भ्रष्टाचार, अव्यवस्था र अभिव्यक्ति स्वतन्त्रतामाथि सरकारको नियन्त्रणकारी निर्णयविरुद्ध सडकमा उत्रिएका हुन् ।
बिहानैदेखि प्लेकार्ड र नाराबाजीसहित प्रदर्शनमा जुटेका युवाहरूले प्रधानमन्त्री केपी शर्मा ओलीविरुद्ध समेत विरोध गरेका थिए । ‘मलाई बोल्न दे सरकार’, ‘नेताका छोराछोरी विदेश पढ्छन्, जनताले पसिना बगाउँछन्, भ्रष्टाचार अन्त्य गर, सामाजिक सञ्जाल होइन’ जस्ता नारा लगाएर उनीहरूले असन्तुष्टि व्यक्त गरे ।
प्रदर्शनका क्रममा युवाहरूले रुखबिरुवा नष्ट नगर्ने, सार्वजनिक सम्पत्ति तोडफोड वा आगजनी नगर्ने, धम्की नदिने, सभ्य र जिम्मेवार ढंगले प्रस्तुत हुने प्रतिज्ञा समेत गरेका छन् । उनीहरूले नागरिक अधिकार र स्वतन्त्रताको पक्षमा दृढतापूर्वक उभिने संकल्प जनाएका थिए ।
जेनजीले बुटवल बाहेक काठमाडौं उपत्यका, दाङ लगायतका जिल्लाहरूमा पनि प्रदर्शन गरेका छन् ।
तस्विर :स्वस्तिक श्रेष्ठ
© २०२३
सर्वाधिकार सुरक्षित
Design & Developed By:
