© २०२३
१९ मंसिर २०८२, शुक्रबार
१९ मंसिर २०८२, शुक्रबार
नेपालगञ्ज, २३ भदौ ।
इलाका प्रहरी कार्यालय कोहलपुरको हिरासतमा रहेका एक थुनुवाको मृत्यु भएको छ । कर्तव्य ज्यान मुद्दामा अनुसन्धानका क्रममा थुनुवा बनाइएका जानकी गाउँपालिका–६ का ३८ वर्षीय बीरेन्द्रबहादुर सिंहको सोमबार बिहान उपचारकै क्रममा ज्यान गएको हो ।
सिंह तीन दिनदेखि प्रहरी हिरासतमा रहेका थिए । आइतबार राति अचानक स्वास्थ्य समस्या देखिएपछि उनलाई तत्कालै नेपालगञ्ज मेडिकल कलेज शिक्षण अस्पताल, कोहलपुर लगिएको थियो । तर उपचारका क्रममा उनको मृत्यु भएको प्रहरीले जनाएको छ ।
जिल्ला प्रहरी कार्यालय बाँकेका प्रवक्ता तथा डिएसपी दीपक पातलीका अनुसार मृत्युको कारण अहिले खुलेको छैन । सिंहको शव हाल शिक्षण अस्पताल, कोहलपुरमै राखिएको छ । मृत्युको कारण पत्ता लगाउन आवश्यक प्रक्रिया अघि बढाइएको प्रहरीले जनाएको छ ।
© २०२३
सर्वाधिकार सुरक्षित
Design & Developed By:
