© २०२३
१९ मंसिर २०८२, शुक्रबार
१९ मंसिर २०८२, शुक्रबार
काठमाडौँ, २१ भदौ ।
कञ्चनपुरमा पाँच सय दरका नक्कली भारतीय रुपैयाँसहित पाँच जनालाई प्रहरीले पक्राउ गरेको छ ।
शुक्रबार राति युपी १४ बीएच २०७३ नम्बरको भारतीय गाडीमार्फत नक्कली नोट ओसारपसार भइरहेको विशेष सूचनाका आधारमा प्रहरीले १४७ थान नक्कली भारतीय नोटसहित पाँच जनालाई नियन्त्रणमा लिएको हो ।
जिल्ला प्रहरी कार्यालय कञ्चनपुरका प्रवक्ता प्रहरी नायब उपरीक्षक (डीएसपी) सागर बोहराका अनुसार पक्राउ पर्नेमा दुई नेपाली र तीन जना भारतीय नागरिक छन् ।
पक्राउ पर्नेहरूमा कञ्चनपुरको शुक्लाफाँटा नगरपालिका–१ बन्साह निवासी ३२ वर्षीय सौगात बहादुर सिंह, २४ वर्षीय चन्द्र बोहरा तथा भारतको बरेली, तेसिलमिगञ्ज ग्रामका २५ वर्षीय कुलदीप चतुर्वेदी, फटितेगञ्ज निवासी २० वर्षीय अमित यादव र उत्तराखण्ड, उदमसिंहनगर निवासी २४ वर्षीय हिमांशु शर्मा रहेका छन् ।
डीएसपी बोहराका अनुसार इलाका प्रहरी कार्यालय झलारीको टोलीले गाडीमा नक्कली नोट भएको सूचना पाएपछि पछ्याएको थियो ।
शुक्लाफाँटा नगरपालिका–३, जोनापुरस्थित नेपाली सेना श्री रणसिंह सुरक्षा गणको पोस्टले गाडी रोकेर चेकजाँच गर्दा नक्कली नोट फेला परेको हो ।
पाँचै जनालाई नियन्त्रणमा लिएर आवश्यक अनुसन्धान भइरहेको प्रहरीले जनाएको छ ।
© २०२३
सर्वाधिकार सुरक्षित
Design & Developed By:
