© 2026
१५ माघ २०८२, बिहीबार
१५ माघ २०८२, बिहीबार
काठमाडौं, १९ भदौ ।
नेपाली कांग्रेसले संसदीय सुनुवाइ समितिको सभापतिका लागि रामहरि खतिवडालाई उम्मेदवार बनाउने निर्णय गरेको छ ।
कांग्रेसका प्रमुख सचेतक श्यामकुमार घिमिरेका अनुसार नेकपा एमालेले उम्मेदवार नदिने भएपछि खतिवडा निर्विरोध निर्वाचित हुने वातावरण बनेको छ ।
विपक्षी दलसँग आवश्यक बहुमत नपुग्ने भएकाले चुनावी प्रतिस्पर्धा हुने सम्भावना छैन ।
यसअघि खतिवडा प्रतिनिधिसभाअन्तर्गतको राज्य व्यवस्था तथा सुशासन समितिका सभापति थिए । कुलिङ अफ पिरियडसम्बन्धी प्रतिवेदन आएको विवादपछि उनले राजीनामा दिएका थिए ।
त्यसपछि रिक्त पदमा ईश्वरीदेवी न्यौपाने निर्वाचित भएकी थिइन् । न्यौपाने हाल राज्य व्यवस्था समितिको सभापति बनेपछि सुनुवाइ समितिको नेतृत्व फेरि रिक्त भएको हो ।
सुनुवाइ समितिको सभापतिको निर्वाचन भोलि साँझ ५ बजे हुने छ । समितिकी सहसचिव निर्मलादेवी लामिछानेका अनुसार आज दिउँसो २ बजेदेखि ४ बजेसम्म मनोनयन दर्ता हुनेछ ।
© 2026
All rights reserved.
Design & Developed By:
