© २०२३
६ पुष २०८२, आइतबार
६ पुष २०८२, आइतबार
काठमाडौँ ।
‘राष्ट्र, राष्ट्रियता, धर्म, संस्कृति तथा नागरिक बचाउ महाअभियान नेपाल’ का संयोजक दुर्गा प्रसाईंले भदौ २० र २१ गते केन्द्रीय भेला आह्वान गरेका छन् ।
प्रसाईंले बुधबार जारी गरेको विज्ञप्तिमा अभियान स्थापनादेखि हालसम्म विभिन्न तहमा रहेर सक्रिय योगदान पु-याएका व्यक्तिहरूलाई सहभागी गराएर भेला आयोजना गर्न लागिएको उल्लेख छ ।
भेलामा संस्थापक सदस्य, वडा तथा पालिका अध्यक्ष, जिल्ला र अञ्चल तहका पदाधिकारी, विभागीय समिति प्रमुख, केन्द्रीय सदस्य, सचिवालय सदस्य र सल्लाहकार समितिका सदस्यलाई अनिवार्य उपस्थित हुन आह्वान गरिएको छ ।
प्रसाईंका अनुसार भेला भक्तपुरमा बिहान १०:३० बजे सुरु हुनेछ । चैत १५ गते तीनकुनेमा भएको राजावादी आन्दोलनमा हिंसा भड्काएको आरोपमा पक्राउ परेका उनी केही समयअघि मात्र रिहा भएका थिए । रिहापछि उनले आफ्नै नेतृत्वमा नयाँ राजनीतिक दल गठन गर्ने घोषणा गरेका थिए ।
© २०२३
सर्वाधिकार सुरक्षित
Design & Developed By:
