© २०२३
२० मंसिर २०८२, शनिबार
२० मंसिर २०८२, शनिबार
गुल्मी, १७ भदौ ।
मदाने गाउँपालिका–६, पुर्कोटदहस्थित पृथ्वी माध्यमिक विद्यालयका एक विद्यार्थी विद्यालय जाँदै गर्दा अपहरणमा परेको घटना सार्वजनिक भएको छ ।
विद्यालयका प्रधानाध्यापक मदन ब. कुँवर क्षेत्रीका अनुसार, कक्षा ७ मा अध्ययनरत भुवन कुँवरलाई वडा नं. ७, भनभनेको बाँसडाडा स्थित घरबाट विद्यालयतर्फ जाँदै गर्दा कन्के देउराली तलको सडकमा नकाबधारी चार जना अपरिचित युवाले जबर्जस्ती ग्वारीको जंगलतर्फ लगेको बताए ।
घटनाको समयमा विद्यार्थीहरूमध्ये आठ जना त्यहाँ उपस्थित थिए । त्यस पश्चात विद्यार्थीहरूले रुँदै फोनमार्फत विद्यालयलाई जानकारी दिएपछि तत्काल प्रहरीलाई सूचना दिइएको थियो । घटना प्रत्यक्ष देखेकी सातकी छात्रा आयुष्मा ताम्राकारका अनुसार, उनीहरूले आफूहरुलाई मार्ने र किड्नी निकालेर लैजाने धम्की दिएको बताइन ।
प्रहरी स्रोतका अनुसार अपहरणमा संलग्न व्यक्तिहरूको अनुहार कालो र हिन्दी भाषामा कुरा गर्ने खुलासा भएको छ । ईलाका प्रहरी कार्यालयबाट खोजतलासका लागि आवश्यक प्रहरी, विद्यालयका सम्पूर्ण शिक्षक र विद्यार्थीहरू पनि सहभागी रहेको जिल्ला प्रहरी कार्यालय, गुल्मीका डिएसपी गङ्गा बहादुर सारुले बताए ।
© २०२३
सर्वाधिकार सुरक्षित
Design & Developed By:
