खोज

बुटवल, भदौ १६ ।

बुटवलमा ‘प्रथम बुटवल फिस टनेल एण्ड दुबई सिटि सांस्कृतिक तथा रमाइलो मेला २०८२’ हुने भएको छ । रोटर्याक्ट क्लब अफ बुटवल साउथको आयोजनामा यही भदौ २५ गतेदेखि असोज १२ गतेसम्म देविनगर रंगशालामा उक्त मेला संचालन हुने भएको हो ।

आयोजकले आइतबार पत्रकार सम्मेलनको  गर्दै मेलाको तयारी र विशेष आकर्षणबारे जानकारी गराएको हो । सम्मेलनमा बोल्दै क्लबका अध्यक्ष इपल भण्डारीले ‘फिस टनेल’ र ‘दुबई सिटी’ मेलाका मुख्य आकर्षण हुने जानकारी दिए । साथै, मेलामा काठमाडौंको प्रसिद्ध विष्णुमती मन्दिरको प्रतिरूप अवलोकन, विभिन्न सांस्कृतिक कार्यक्रम, नृत्य, टिकटक प्रतियोगिता लगायतका मनोरञ्जनात्मक गतिविधिहरू पनि समावेश गरिने उनले बताए ।

सामाजिक कार्यमा सधैं अग्रसर रहेको रोटर्याक्ट क्लब अफ बुटवल साउथले समाजसेवाको उद्देश्यले यो मेला आयोजना गरेको अध्यक्ष भण्डारीले उल्लेख गरे । उनका अनुसार हालसम्म २०० स्टल बुक भइसकेका छन् भने थप स्टलको तयारी भइरहेको छ ।

मेलाको अवलोकलनका लागि ५० रुपैयाँ प्रवेश शुल्क निर्धारण गरिएको छ भने विद्यार्थीहरूले परिचयपत्रको आधारमा ४० रुपैयाँ तिरेर प्रवेश गर्न पाउनेछन् । यस्तै, ७० वर्षभन्दा माथिका जेष्ठ नागरिक, अपाङ्ग तथा असक्त व्यक्तिहरूलाई भने प्रवेश निःशुल्क रहने सचिव शंकर काफ्लेले जानकारी दिए ।

मेलामा स्थानीय तथा राष्ट्रिय कलाकारहरूको विशेष प्रस्तुति पनि रहनेछ । मेलाको सहआयोजकमा बुटवल उपमहानगरपालिका वडा नम्बर ११ र संरक्षकमा बुटवल उपमहानगरपालिका रहेको छ ।