© 2026
१५ माघ २०८२, बिहीबार
१५ माघ २०८२, बिहीबार
दार्चुलाको नौगाड खोलामा अटो खस्दा एक बालिकाको मृत्यु भएको छ भने दुई महिला बेपत्ता भएका छन् ।
सोमबार दिउँसो साढे १ बजेतिर नौगाड गाउँपालिका–५ स्थित सौकेबगर नजिकै म १ ह ११४८ नम्बरको अटो अनियन्त्रित भई सडकबाट करिब ५० मिटर तल खोलामा खसेको हो ।
दार्चुलाका प्रहरी निरीक्षक छत्रबहादुर रावतका अनुसार मृतक करिब ११ वर्षीया बालिका हुन्, जसको पहिचान खुलेको छैन । अटोमा सवार अन्य दुई महिला अझै बेपत्ता छन् र उनीहरूको खोजी कार्य जारी छ ।
रावतका अनुसार अटोमा चालकसहित पाँच जना सवार थिए । तीमध्ये चालक मणिराज भुल र उनका छोरा आयुष भुल सकुशल रहेका छन्, यद्यपि आयुषको हात भाँचिएको छ ।
होपरी गाडबाट गोकुलेश्वरतर्फ जाँदै गरेको अटो अचानक अनियन्त्रित भई खोलामा खसेको प्रारम्भिक अनुसन्धानबाट खुलेको छ ।
प्रहरीले चालक मणिराज भुललाई नियन्त्रणमा लिई थप अनुसन्धान अघि बढाएको जानकारी दिएको छ ।
© 2026
All rights reserved.
Design & Developed By:
