खोज

बुटवल, १५ भदौ ।

तिलोत्तमाको लुम्बिनी वल्ड स्कुलको आयोजनामा ‘लुम्बिनी वल्ड स्कुल प्रदेशस्तरीय स्वीमिङ प्रतियोगिता–२०८२’ भएको छ ।

आइतबार तिलोत्तमा नगरपालिका स्थित ड्रिमल्याण्ड गोल्ड रिर्सोटमा सम्पन्न भएको स्वीमिङ प्रतियोगितामा दाङ बाँके, बर्दिया, रुपन्देहीबाट गरी ९५ जना विद्यार्थीहरु प्रतिस्पर्धामा सहभागि भएका थिए । प्रतियोगितामा १५ वर्ष भन्दा कम उमेर समूहका छात्रछात्राहरुको सहभागिता रहेको थियो । स्वीमिङ प्रतियोगिताको एक कार्यक्रमका बीच लुम्बिनी प्रदेशका युवा तथा खेलकुद मन्त्री सन्तोषकुमार पाण्डेयले उद्धघाटन गरे ।

सो अवसरमा बोल्दै मन्त्री पाण्डेयले शिक्षा मात्रै हाँसिल गरेर मानिस कहिले पनि पूर्ण नहुने भन्दै विद्यार्थीलाई सानै उमेरबाट नै पढाईसँगै विभिन्न अतिरिक्त क्रियाकलापमा पनि सक्षम बनाउनु पर्नेमा जोड दिए । खेलकुद व्यक्तिको स्वास्थ्यका लागि फाइदाजनक हुनुका साथै राष्ट्र पनि फाइदा हुने भएकाले खेलकुदको विकासका लागि आफुले सक्दो सहयोग गर्ने प्रतिबद्धता व्यक्त गरे ।

यस्तै नेपाल पौडी संघका केन्द्रिय वरिष्ठ उपाध्यक्ष जयप्रकाश भट्टराईले नेपालमा वार्षिक १ हजार ३०० जना व्यक्तिको पौडी खेल्न नजानेर मृत्यु हुने गरेको बताए । उनले जीवन रक्षा र स्वास्थ्यका लागि पौडी आवश्यक रहेकाले सानै उमेरबाट बालबालिकालाई पौडी खेल्न सिकाउनु पर्ने बताए । नेपाल पौडी संघ लुम्बिनी प्रदेशका अध्यक्ष टेकबहादुर थापाले नेपालमा अहिले पनि बालबालिकाहरुलाई पढाइसँगै विभिन्न कियाकलाप पनि सिकाउनु पर्ने बताए । साथै थापाले पौडीलाई व्यवस्थित र संघगठित रुपमा अघि बढाउन आवश्यक रहेको बताउँदै लुम्बिनी बल्ड्र स्कुलले सुरुवात गर्नु राम्रो पक्ष भएको बताए ।

यस्तै विद्यालयका प्रचार्य विष्णुप्रसाद ढकालले वार्षिक क्यालेन्डर नै तयार गरेर स्वीमिङ प्रतियोगिताको आयोजना गरेको बताए । विद्यालयले विद्यार्थीहरुलाई पढाईसँगै विभिन्न अतिरिक्त क्रियाकलापमा पनि सक्षम बनाउनका लागि प्रतियोगिताको आयोजना गरेको बताए ।

आगमी वर्ष राष्ट्रिय स्तरको स्वीमिङ प्रतियोगिता आयोजना गर्ने योजना रहेको समेत बताए। साथै विद्यालयमा नियमिति रुपमा नै विभिन्न प्रकारका अतिरिक्त क्रियाकलाप हुने समेत प्रचार्य ढकालले बताए ।
प्रतियोगितामा नेपालगंजको शिखा एकेडेमी प्रथम, आर्दश एकेडेमी द्वित्तीय र लुम्बिनी वल्ड स्कुल तृतीय भएको विद्यालयका प्राचार्य विष्णुप्रसाद ढकालले बताए । प्रतियोगितामा विभिन्न ३५ विधामा उत्कृत्ट हुने खेलाडीहरुलाई खेलाडीहरुलाई नगद, ट्रफि, मेडल, प्रमाणपत्र प्रदान गरिएको प्राचार्य ढकालले बताए । प्रतियोगितामा १५ वर्ष भन्दा कम उमेर समूहका छात्रछात्रा सहभागि रहेका थिए । प्रतियोगितामा विभिन्न ३५ विधामा विजेता खेलाडीहरुलाई नगद, ट्रफि, मेडल, प्रमाणपत्र प्रदान गरिएको प्राचार्य ढकालले बताए ।

विजेताहरुलाई पुरस्कार नेपाल पौडी संघका केन्द्रिय वरिष्ठ उपाध्यक्ष जयप्रकाश भट्टराई, लुम्बिनी प्रदेश अध्यक्ष टेकबहादुर थापा, विद्यालयका कार्यवाहक अध्यक्ष फुलसिंह क्षेत्री, प्रचार्य विष्णुप्रसाद ढकाल लगायतले पुरस्कार प्रदान गरेका थिए । प्रतियोगिताको सह आयोजकको रुपमा नेपाल पौडी संघ र लुम्बिनी प्रदेश खेलकुद परिषद् तथा प्रायोजक ड्याडिज किचन रहेको थियो ।