खोज

 काठमाडौं, १२ भदौ ।

अघिल्लो दिन २८१९ अंकमा बन्द भएको नेप्से सूचक बिहीबार ३८.१० अंकले घट्दै २७८१ अंकमा झरेको छ ।

बजार खुलेको केही समयपछि सामान्य उतारचढाव देखिए पनि साढे १ बजेसम्म २८०० अंकमाथि नै कायम रहेको सूचक त्यसपछि निरन्तर घट्दै गएको हो ।

बजार घटे पनि कारोबार रकम भने अघिल्लो दिनको तुलनामा बढेको छ । बुधबार ७ अर्ब ६८ करोड रुपैयाँ बराबरको कारोबार भएकोमा बिहीबार ८ अर्ब ९ करोड रुपैयाँको कारोबार भएको छ ।

आज जम्मा २४ कम्पनीको सेयर मूल्य बढ्दा २२७ कम्पनीको मूल्य घटेको छ । यस्तै, सबै क्षेत्रगत सूचकहरू घटेका छन् ।

सबैभन्दा धेरै गिरावट विकास बैंक समूहमा देखिएको छ, जसको सूचक २.३८ प्रतिशतले घटेको हो । त्यसपछि फाइनान्स समूह १.९७ प्रतिशत, उत्पादन तथा प्रशोधन र अन्य समूह दुवै १.७० प्रतिशतले, जीवन बीमा १.६५ प्रतिशतले, होटल तथा पर्यटन १.६० प्रतिशतले, लगानी समूह १.५८ प्रतिशतले, हाइड्रोपावर १.४४ प्रतिशतले, माइक्रोफाइनान्स १.४० प्रतिशतले, व्यापार समूह १.२६ प्रतिशतले र बैंकिङ समूह ०.८७ प्रतिशतले घटेका छन् । यद्यपि, निर्जीवन बीमा समूह भने ०.०१ प्रतिशतले मात्र वृद्धि भएको छ ।

कम्पनीगत रूपमा हेर्दा, विकास हाइड्रोपावरको सेयर मूल्य १० प्रतिशतले वृद्धि हुँदै सर्किट लेभलमा पुगेको छ ।

त्यसपछि मैलुङखोला जलविद्युत् ३.६२ प्रतिशत, थ्रीस्टार हाइड्रोपावर ३.४१ प्रतिशत, एनएलजी इन्स्योरेन्स ३.१९ प्रतिशत र पिपुल्स पावर ३.१७ प्रतिशतले बढेका छन् ।

अर्कोतर्फ, सबैभन्दा धेरै घट्ने कम्पनीमा ओरियन्टल होटल परेको छ, जसको सेयर मूल्य ४.७१ प्रतिशतले घटेको हो ।

लुम्बिनी विकास बैंक ४.१८ प्रतिशत, सांग्रिला डेभलपमेन्ट बैंक ३.८७ प्रतिशत, सिक्लेस हाइड्रोपावर ३.८० प्रतिशत र जनउत्थान सामुदायिक लघुवित्त ३.६६ प्रतिशतले घटेका छन् ।

आजको कारोबारमा सबैभन्दा बढी क्रियाशील रहेका कम्पनीहरूमा नेपाल पुनर्बीमा, हिमालयन रिइन्स्योरेन्स, हिमालयन डिस्टिलरी, शिवम् सिमेन्ट र युनाइटेड मोदी हाइड्रोपावर रहेका छन् ।