© २०२३
६ पुष २०८२, आइतबार
६ पुष २०८२, आइतबार
काठमाडौं, १२ भदौ ।
अबदेखि नेपालमा १८ देखि ३५ वर्ष उमेर समूहलाई ‘युवा’ मानिने भएको छ । मन्त्रिपरिषदबाट हालै स्वीकृत राष्ट्रिय युवा नीति २०८२ ले नयाँ परिभाषा तय गरेको हो ।
यसअघि लागू भएको नीति २०७२ अनुसार युवाको उमेर सीमा १६ देखि ४० वर्ष थियो । परिमार्जित नीतिले अन्तर्राष्ट्रिय मान्यता र बालबालिका ऐनलाई आधार मान्दै उमेरको नयाँ दायरा तोकेको छ ।
नीतिले युवालाई सक्षम, जिम्मेवार र राष्ट्रभावयुक्त बनाउँदै राष्ट्र निर्माणमा सार्थक योगदान दिने उद्देश्य लिएको छ । युवाको शिक्षा, स्वास्थ्य, सोच, उद्यमशीलता, सिर्जनशीलता, नैतिकता आदि विकासमा नीति केन्द्रित छ ।
प्रविधिमैत्री राष्ट्र निर्माणका लागि युवाको समावेशी सहभागिता, साइबर सुरक्षासहित अनुसन्धान र नवप्रवर्तनमा पहुँच सुनिश्चित गरिने उल्लेख छ ।
युवालाई स्वरोजगार र आत्मनिर्भर बनाउन स्टार्टअप, व्यवसाय प्रवर्द्धन, करिअर काउन्सिलिङ, सीपमूलक तालिम, परम्परागत सीपको आधुनिकीकरण, हरित कृषि रोजगार, व्यावसायिक बीमा, सहुलियत कर्जा, कर छुट, बजारीकरण आदि कार्यक्रम सञ्चालन गरिनेछ ।
नीतिले राष्ट्रिय तथा अन्तर्राष्ट्रिय श्रम बजारमा प्रतिस्पर्धी मानव पुँजी निर्माण गर्ने लक्ष्य लिएको छ ।
© २०२३
सर्वाधिकार सुरक्षित
Design & Developed By:
