© २०२३
बुटवल, ८ भदौ ।
बुटवलमा सम्पन्न मणिमुकुन्द कोरा २०२५ को आयोजनाबाट बचत रकम दुई जना मृगौला पिडितलाई हस्तान्तरण गरिएको छ ।
आईतबार एक समारोहका बिच मणिमुकुन्द कलेजका प्राचार्य टुक बहादुर क्षेत्री, नेपाल साईक्लिङ संघका केन्द्रिय उपाध्यक्ष स्वस्तिक श्रेष्ठ, बुटवल युनाईटेड साईक्लिङ क्लबका सचिव राजु तिवारी, कोरा संयोजक दिपक कार्कीले दुई जना मृगौला पिडितहरु पुर्णकला रजाली र ईन्द्र बहादुर नेपालीलाई नगद १५/१५ हजार रुपैया हस्तान्तरण गरिएको हो ।

कार्यक्रममा कलेजका प्राचार्य टुक बहादुर क्षेत्रीले खेलकुद गतिविधि आयोजना गरि बचत रकम भोजभतेरमा खर्च नगरि उपयुक्त ठाउमा लगानी भएको बताए ।
‘मृगौला पिडितलाई सहयोग गरेर महत्वपूर्ण र सृजनसिल कार्यक्रम भएको छ ।’– उनले भने । थोरै भएपनि सहयोग गरेर बिरामीहरुलाई अभियानमा साथ दिनु नै महत्वपूर्ण भएको उनले बताए । यस्ता अभियानमा कलेज परिवार सधै साथ दिनेसमेत प्रतिवद्धता जनाए ।