© २०२३
२१ मंसिर २०८२, आइतबार
२१ मंसिर २०८२, आइतबार
काठमाडौँ, ०७ भदौ ।
अस्ट्रेलियाको नर्दन टेरिटोरीमा जारी टप एन्ड टी–२० सिरिजको आफ्नो अन्तिम लिग खेलमा नेपाल पाकिस्तान शाहीन्ससँग १ रनले पराजित भएको छ ।
पाकिस्तानले दिएको १४५ रनको लक्ष्य पछ्याएको नेपालले २० ओभरमा ७ विकेट गुमाएर १४३ रन मात्र बनायो । नेपालका लागि कप्तान रोहित पौडेलले सर्वाधिक ५२ रन तथा दीपेन्द्रसिंह ऐरीले अविजित ४१ रन बनाए पनि पर्याप्त हुन सकेन ।
सुस्त सुरुवात गरेको भए पनि रोहित र दिपेन्द्र मिलेर नेपाललाई राम्रो अवस्थामा पु¥याएका थिए । अन्तिम ओभरमा ८ रन आवश्यक रहँदा नेपालले ६ रन मात्र जोड्यो ।
त्यसअघि टस जितेर पहिले ब्याटिङ गरेको पाकिस्तानले २० ओभरमा ९ विकेट गुमाएर १४४ रन बनाएको थियो ।
पाकिस्तानका लागि कप्तान मोहम्मद इरफान खान नियाजीले अविजित ४२ रन बनाए ।
पाकिस्तान ७९–७ को सङ्घर्षपूर्ण अवस्थामा रहे पनि इरफानले कप्तानी पारी खेले ।नेपालका लागि सोमपाल कामीले ४ ओभरमा ३० रन दिएर ३ विकेट लिए । नन्दन यादव र दीपेन्द्रसिंह ऐरीले २–२ विकेट लिँदा कुशल भुर्तेलले १ विकेट लिए ।यस हारसँगै नेपालको यात्रा लिग चरणमै समाप्त भएको छ ।
© २०२३
सर्वाधिकार सुरक्षित
Design & Developed By:
