© २०२३
४ पुष २०८२, शुक्रबार
४ पुष २०८२, शुक्रबार
बुटवल, ७ भदौ।
नेकपा एमालेका महासचिव शंकर पोखरेलले पूर्वराष्ट्रपति विद्यादेवी भण्डारी सक्रिय राजनीतिमा फर्किन खोज्नु गणतन्त्रका लागि गम्भीर खतरा हुने दाबी गरेका छन्।
प्रेस चौतारी दाङले शनिबार आयोजना गरेको पत्रकार सम्मेलनमा बोल्दै उनले सेनाको परमाधिपति भइसकेको व्यक्तिले पुनः दलगत राजनीतिमा प्रवेश गर्दा गणतन्त्रप्रतिको आस्था कमजोर हुने जिकिर गरे।
उनका शब्दमा, “पूर्वराष्ट्रपति संविधानका संरक्षक हुन्। सेनाको परमाधिपति भइसकेको व्यक्तिले राजनीतिमा फर्कँदा गणतन्त्रप्रति अविश्वास पैदा हुन्छ। यस्तो गल्ती कुनै दलले गर्नु हुँदैन।”
यस क्रममा उनले नेकपा माओवादी केन्द्रले पूर्वउपराष्ट्रपति नन्दकिशोर पुनलाई पार्टी राजनीतिमा सक्रिय बनाएर गल्ती गरेको टिप्पणी पनि गरे।
पोखरेलले माओवादी अझै लोकतन्त्र सिक्ने प्रक्रियामा रहेको भन्दै, “माओवादीले उपराष्ट्रपतिलाई राजनीतिमा फर्काएर भूल गरेको छ। माओवादीलाई लोकतन्त्रका बारेमा एमाले र कांग्रेसले सिकाउनुपर्छ,” भने।
उनले माओवादीले गरेको उक्त निर्णय सच्याउनुपर्ने आवश्यकता समेत औंल्याए।
© २०२३
सर्वाधिकार सुरक्षित
Design & Developed By:
