खोज

नवलपरासी, ०६ भदौ ।

जिल्ला सदरमुकाम परासीस्थित पाल्ही बहुमुखी क्याम्पसमा अहिले विद्यार्थी आकर्षण बढ्दै गएको क्याम्पसले जनाएको छ । जिल्लाकै पुरानो क्याम्पसमा विद्यार्थी आकर्षण बढ्न थालेपछि केही स्वार्थ समूहले क्याम्पसबारे गलत टीकाटिप्पणी गर्दै आएकोबारे कुरा खण्डन गर्दै बिहीबार क्याम्पसले पत्रकार सम्मेलन गरी क्याम्पसको अवस्था जानकारी गराएको हो ।

देशभरिका विभिन्न सामुदायिक क्याम्पसमा विद्यार्थी सङ्ख्या घट्दै गए पनि पाल्ही क्याम्पसमा विद्यार्थीको आकर्षक बढेको क्याम्पसका अध्यक्ष राधेश्याम पाठकले पत्रकार सम्मेलन गरी जानकारी गराएका हुन् ।

उनले विद्यार्थीको अवस्था, भौतिक पूर्वाधार, विद्यार्थीले उत्तीर्ण गर्ने अवस्थाबारे समेत उनले तथ्याङ्क प्रस्तुत गरेका थिए । विगत ३ वर्षको तथ्याङ्क प्रस्तुत गर्दै उनले बर्सेनि विद्यार्थी सङ्ख्या बढ्दै गएको जानकारी गराएका थिए ।

तथ्याङ्क अनुसार आर्थिक वर्ष २०७९/०८० मा छात्र ९८ र छात्रा २३३ गरी कुल ३३१ जना विद्यार्थी भर्ना भएका थिए, भने आर्थिक वर्ष २०८०/०८१ मा १५८ छात्र र ३४८ छात्रा गरी कुल ५०६ जना विद्यार्थी भर्ना भए ।

अहिले चालु आर्थिक वर्ष २०८१/०८२ मा १३७ जना छात्र र ३५६ जना छात्रा गरी कुल ४९३ विद्यार्थी भर्ना छन् । अहिले कक्षा १२ को परिक्षाफल प्रकाशित भएका कारण पहिलो वर्षमा विद्यार्थी भर्ना हुने क्रम अझै बाकी नै रहेको छ, उनले भने, त्यसमा पनि केही सम्पुरक परीक्षा पनि दिएर पास हुने विद्यार्थीले समेत भर्ना हुने छन् ।

यो वर्ष ६ सय भन्दा बढी विद्यार्थी भर्ना हुने अनुमान छ, उनले भने, उत्तीर्ण हुनेमा पनि राष्ट्रिय परिणामको अनुपातमा क्याम्पसमा बढी विद्यार्थी पास हुने क्रम छ । राष्ट्रिय रूपमा विद्यार्थी २२ प्रतिशत पास हुँदा पाल्ही क्याम्पसमा ५० प्रतिशत भन्दा बढी नै पास हुने गरेका छन् ।

चार बर्सै विविएस र विएड दुई वटा संकायमा पठन पाठन हुने गरेको उक्त  क्याम्पसमा २१ जना प्राध्यापक र ६ जना कर्मचारी कार्यरत छन् । बार्षिक २४ लाख भन्दा बढी रकम विभिन्न छात्रवृति समेत क्याम्पसले प्रदान गर्दै आएको उनले सुनाएका थिए ।

चालु आर्थिक बर्षका लागि क्याम्पसले चालु खर्च १ करोड ५२ लाख र पुजिँगत ६० लाख ४१ हजार गरी २ करोड १२ लाख ४१ हजारको बजेट समेत पास भइसकेको जानकारी गराएका थिए । ७ बिघा ८ कठठ क्षेत्रफलमा रहेको उक्त   क्याम्पसमा ३४ कोठा रहेको ५ वटा भवन छ ।

कम्प्युटर ल्याब, सभा हल, पुस्तकालय,१० वटा शौचालय, चमेनागृह, साइकल स्टाण्ड, बास्केटबल, ब्याडमिन्टल कोर्ट सहितको खेलमैदान, खानेपानीको उचित ब्यस्थापन सहित, कक्षा कोठामा स्मार्टबोर्ड रहेको छ ।

प्रत्येक विद्यार्थीलाई आधारभूत कम्प्युटर शिक्षा सहित प्रदानगरि शैक्षणिक प्रमाणपत्रको अतिरिक्त  क्याम्पसले आधारभूत कम्प्युटर शिक्षा प्रदानको प्रमणपत्र दिइने गरेको उनको भनाइ थियो । जिल्लाकै पुरानो क्याम्पस अहिले अब्बल अवस्थामा पुगेकोमा खुसी समेत ब्यक्त   गरेका थिए ।

अहिले प्रतिस्पर्धात्मक अवस्थामा आई पुग्दा निजी क्याम्पसलाई असर पार्न सक्ने भएकोले भर्नाको बेला क्याम्पसबारे दुराशय मनसाय राखी सामाजिक सञ्चालनमा टीकाटिप्पणी गरेर अव्यवस्था प्रतिस्पर्धा गर्ने चरित्र देखिएको समेत क्याम्पस प्रशासनले गुनासो गरेको थियो ।