Butwal Today

शिक्षा संस्थामा तालाबन्दीको अन्त्य होस् – सांसद सुमना श्रेष्ठ

बुटवल टुडे
५ भाद्र २०८२, बिहीबार
अ
अ+
अ-

काठमाडौं, ५ भदौ ।

राष्ट्रिय स्वतन्त्र पार्टीकी सांसद सुमना श्रेष्ठले विद्यालय तथा विश्वविद्यालय कुनै पनि कारणले बन्द गर्न नपाइने स्पष्ट व्यवस्था विधेयकमा समावेश गर्नुपर्ने धारणा व्यक्त गरेकी छन् ।

शिक्षा, स्वास्थ्य तथा सूचना प्रविधि समितिको बिहीबार सिंहदरबारमा बसेको बैठकमा बोल्दै सांसद श्रेष्ठले विद्यार्थीको मौलिक हकमा हस्तक्षेप हुने गरी शैक्षिक संस्थाहरू बन्द गर्ने अभ्यास अब अन्त्य हुनुपर्नेमा जोड दिइन् ।

श्रेष्ठले शैक्षिक संस्था बन्द गर्ने अधिकार निजी विद्यालयहरूमा कार्यरत शिक्षकहरूले पनि नपाउने गरी कानुनी व्यवस्था ल्याउनुपर्ने बताइन् । शिक्षकहरूको हकमा बन्द वा हड्ताल गर्न नपाउने कुरा विधेयकमा उल्लेख गरेको बताउदै यो कुरा निजी विद्यालयमा पनि लागू हुने गरी स्पष्ट लेखिनुपर्ने उनको भनाइ छ ।

सांसद श्रेष्ठले संविधानअनुसार सबै नागरिकले अनिवार्य र निःशुल्क शिक्षा पाउने हक सुनिश्चित गर्न आवश्यक विधेयकीय प्रावधानहरू बनाइनुपर्ने आवश्यकता पनि औँल्याइन् ।

बैठकमा विद्यालय शिक्षा विधेयक, २०८० सम्बन्धी समितिको प्रतिवेदनमाथि छलफल भइरहेको छ ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस्

सम्बन्धित खबर

साढे ११ बजेसम्म रुपन्देहीमा ३० प्रतिशतले गरे मतदान

यस्तो छ मतदानको उत्साह [तस्वीरहरु]

रुपन्देही–२ मा काँग्रेस उम्मेद्वार चुन्नले बुटवल ४ बाट गरे मतदान

रूपन्देही–३ का स्वतन्त्र उम्मेदवार महेन्द्र यादव पक्राउ

यस्तो छ मतदानको तयारी [तस्वीरहरु]

निर्वाचनको दिन आवश्यकताअनुसार आन्तरिक हवाई उडान हुने

प्रतिनिधिसभा निर्वाचन: मतदानअघि जान्नैपर्ने मूख्य विषय

यी ११ अवस्थामा मत बदर हुन्छ, यसरी हुन्छ सही तरिकाले मतदान