खोज

 काठमाडौं, ४ भदौ ।

उपसभामुख इन्दिरा रानालाई पदबाट हटाउन नेपाली कांग्रेस र नेकपा एमालेले सांसदहरूको हस्ताक्षर संकलन कार्यलाई बुधबार पनि निरन्तरता दिने भएका छन् ।

मंगलबारदेखि सुरु गरिएको उक्त हस्ताक्षर अभियानमा केही सांसदहरूले खाली कागजमा हस्ताक्षर गरेका थिए । मंगलबार संसदमा उपस्थित रहेका सांसदहरूले हस्ताक्षर गरिसकेका छन् भने राजधानी बाहिर रहेका वा अनुपस्थित सांसदहरूले बुधबार हस्ताक्षर गर्ने कार्यक्रम रहेको एमाले संसदीय दलको कार्यालयका एक सदस्यले भने ।

नेपाली कांग्रेसका प्रमुख सचेतक श्यामकुमार घिमिरेका अनुसार, सांसदहरूको हस्ताक्षर संकलन गर्नु स्वभाविक रहेको बताउँछन् । ।

मंगलबार कति सांसदको हस्ताक्षर संकलन भयो भन्ने यकिन विवरण सार्वजनिक भएको छैन ।

संविधानको धारा ९१ को ‘ग’ मा ‘‘पद अनुकूल आचरण नगरेको भन्ने प्रस्ताव प्रतिनिधि सभाको तत्काल कायम रहेको सम्पूर्ण सदस्य संख्याको दुई तिहाइ बहुमतबाट पारित भएमा’ सभामुख र उपसभामुखको पद रिक्त हुने भनिएको छ ।

यस्तो प्रस्ताव भने एक चौथाइ सांसदले नै संसद्‍मा लैजान सक्छन् ।

प्रतिनिधिसभा नियमावलीको नियम २१० मा पनि यस्तै प्रावधान राखिएको छ । प्रतिनिधिसभामा हाल २७४ जना सांसद क्रियाशील छन् । रुपन्देही ३ बाट निर्वाचित सांसद दिपक बोहराको निधन भएकाले उक्त स्थान रिक्त छ ।

यदि सभामुख वा उपसभामुखलाई हटाउने हो भने तत्काल बहाल रहेको २७४ को दुई तिहाइ ९१८२।६६० अर्थात, १८३ जना सांसद आवश्यक पर्छ ।

नेपाली कांग्रेसको ८८ र नेकपा एमालेको ७९ जोड्दा १६७ पुग्छ ।

सत्तापक्षमै रहेको जनता समाजवादी पार्टीका ७ जना सांसद रहेका छन् । जनमत पार्टीका ६, लोकतान्त्रिक समावादी पार्टीका ४ जना सांसद छन । नागरिक उन्मुक्ति पार्टीका ४ जना रहेका छन् ।

प्रतिनिधिसभामा नेकपा माओवाद केन्द्रका ३२, राष्ट्रिय स्वतन्त्र पार्टी ९रास्वपा०का २१, राष्ट्रिय प्रजातन्त्र पार्टी ९राप्रपा०का १३, नेकपा एकीकृत समाजवादीका १० जना सांसद रहेका छन् ।

जनता समाजवादी पार्टी नेपालका ५, नेमकिपाको १, जनमोर्चाको एक, आजपाको १ र स्वतन्त्र २ जना रहेका छन् ।