© २०२३
२२ मंसिर २०८२, सोमबार
२२ मंसिर २०८२, सोमबार
बर्दिया, ३१ साउन ।
बर्दियाको गुलरिया नगरपालिका वडा नं ११ भैँसाही स्थित बाघको आक्रमणबाट एक महिलाको मृत्यु भएको छ । बाघले आक्रमण गर्दा सोही ठाउँ बस्ने ४५ वर्षीया जगतरानी थारूको मृत्यु भएको हो ।
धान गोड्नका लागि शुक्रबार साँझ मृतक जगतरानी खेतमा गएकी थिइन् । राति अबेर सम्म घर नआएपछि कसैको घरमा बसेको भनेर खोजबिन गरिएको थिएन । शनिबार बिहान देखि मात्र खोजबिन गर्दा उखुबारी भित्र शरीर र टाउको छुट्टिएको अवस्थामा मृतक थारूको शव फेला परेको थियो । थारूलाई उखुबारीबाट आएको बाघले आक्रमण गरेको हुन सक्ने स्थानीयले बताएका छन् । उखुबारीमा महिलाको शव फेला परेपछि स्थानीयबासीले प्रहरीलाई खबर गरेका थिए ।
यसअघि बबई नदीको छेउमा पर्ने गुलरिया नगरपालिका वडा नं ५मा चितुवाको आक्रमणबाट दुई जनाको मृत्यु भएको थियो ।
© २०२३
सर्वाधिकार सुरक्षित
Design & Developed By:
