खोज

बुटवल ।

नेपाल मगर महिला संघ रुपन्देहीले सञ्चालन गरेको मातृ भाषा जागरण अभियान अन्तरगत शनिबार बुटवलमा कविता बाचन कार्यक्रम सम्पन्न भएको छ । कार्यक्रममा विभिन्न पाँचवटा एकल जातीय मातृभाषामा कविता बाचन गरिएको थियो ।

मातृ भाषाको संरक्षण, पहिचान तथा पुस्तान्तरणका लागि मगर महिला संघले सञ्चालन गरिएको अभियान अन्तरगत मगर, नेवाली, थारु, गुरुङ तथा तामाङ भाषाको कविता बाचन गरिएको थियो । सो अवसरमा बोल्दै नेपाल मगर संघ केन्द्रीय सहअध्यक्ष दलबहादुर विरकट्टा मगरले आदिबासी जनजातिहरुको भाषा, सँस्कृति तथा पहिचानको संरक्षणका लागि साहित्यको ठूलो भूमिका रहने उल्लेख गरे ।

आगामी पुस्तालाई पहिचान र सँस्कृति हस्तान्तरणका लागि घर परिवार र समुदायमा एक भएर लाग्नुपर्ने बताउँदै उनले राज्यले यसको संरक्षणमा सहयोग गर्नुपर्ने बताए । कार्यक्रममा बोल्दै नेपाल मगर संघ लुम्बिनी प्रदेशका वरिष्ठ उपाध्यक्ष जनक थापा, संघका रुपन्देही कार्यबहाक अध्यक्ष टेकबहादुर रेश्मी, आदिबासी जनजाती महासंघ रुपन्देहीका सल्लाहकार शंकर गाहा, मगर युवा संघ केन्द्रीय महासचिव राम अस्लामी मगर, गुरुङ भाषाविज्ञ तथा अभियन्ता भिम गुरुङ, नेपाल मगर महिला संघ रुपन्देही अध्यक्ष निर्मला थापा,सचिव खिमा श्रीस लगायतले बोल्दै आदिबासीको अधिकार स्थापित गर्नका लागि भाषा र सँस्कृतिको संरक्षण पहिलो शर्त भएको उल्लेख गरे ।

राज्यले आदिबासीहरुको भाषा, सँस्कृति र पहिचानलाई संरक्षण गर्नका लागि विद्यालयतहमा पाठ्यपुस्तकमै व्यवस्था गर्नुपर्ने उनीहरुको जोड थियो । कार्यक्रममा लक्ष्मी श्रेष्ठ, दिलमाया थिङ लामा, बमबहादुर थारु लगायतले मातृभाषामा कविता बाचन गरेका थिए ।