© २०२३
२७ मंसिर २०८२, शनिबार
२७ मंसिर २०८२, शनिबार
चन्द्रौटा, २९ साउन ।
विद्यालय शिक्षा विधेयकका केही प्रावधानप्रति असहमति जनाउँदै विजयनगरका निजी विद्यालय सञ्चालकहरूले पालिकालाई ज्ञापनपत्र बुझाएका छन् ।
प्याब्सन विजयनगर समितिले बिहीबार पालिका अध्यक्ष गोपाल बहादुर थापा र शिक्षा शाखा प्रमुख हरिहर बेल्वासेलाई ज्ञापनपत्र बुझाएको हो ।
ज्ञापनपत्रमा “निजी विद्यालयलाई क्रमशः गैरनाफामूलक बनाईनेछ” भन्ने प्रावधान र “पूर्ण छात्रवृत्ति” भन्ने शब्द हटाउन माग गरिएको छ। हाल कायम रहेको जम्मा विद्यार्थी संख्याको १० प्रतिशत छात्रवृत्ति दिने व्यवस्था यथावत् राखिनुपर्ने तथा छात्रवृत्तिअन्तर्गत भर्ना, वार्षिक र मासिक शुल्कहरू पनि यथास्थितिमा कायम गर्नुपर्ने माग समितिले राखेको छ ।
प्याब्सन कपिलवस्तुका वरिष्ठ उपाध्यक्ष तोयनाथ गैरेका अनुसार, केन्द्रीय सर्कुलरअनुसार आन्दोलनको पहिलो चरणमा पालिकालाई ज्ञापनपत्र बुझाइएको हो । समितिका अध्यक्ष श्रवण भट्टराईले निजी विद्यालयहरूले देशको कुल ग्राहस्थ्य उत्पादनमा ७.२ प्रतिशत योगदान पुर्याइरहेको उल्लेख गर्दै, शिक्षामा गैरनाफामूलक धारणा उपयुक्त नहुने तर्क प्रस्तुत गरे ।
© २०२३
सर्वाधिकार सुरक्षित
Design & Developed By:
