© २०२३
२२ मंसिर २०८२, सोमबार
२२ मंसिर २०८२, सोमबार
काठमाडौं,२९ साउन ।
राष्ट्रिय तथा अन्तर्राष्ट्रिय प्रतिस्पर्धात्मक बोलपत्र प्रक्रियामार्फत दुई कम्पनीसँग ठेक्का सम्झौता गर्दै एमसीसी अन्तर्गत नेपालमा विद्युत् प्रसारण लाइन निर्माणका कार्यहरू तीव्र रूपमा अगाडि बढेका छन् ।
रातमाटे–नयाँ दमौली खण्डका लागि एञ्जेलिक–स्किपर संयुक्त उपक्रम र नयाँ दमौली–नयाँ बुटवल खण्डका लागि वाइबा–सलासर संयुक्त उपक्रमसँग ठेक्का सम्झौता गरिएको हो । सम्झौता अनुसार ४०० केभी क्षमताका १८० किलोमिटर लामो प्रसारण लाइनको डिजाइन, निर्माण, परीक्षण र सञ्चालन गरिनेछ ।
यस परियोजनाको कुल लागत १५ करोड ४५ लाख अमेरिकी डलर रहेको छ, जुन हालको विनिमय दरअनुसार करिब २१ अर्ब ६३ करोड रुपैयाँ बराबर पर्छ । ४२ महिनाको ठेक्का अवधिमा परियोजना सम्पन्न गर्ने लक्ष्यसहित निर्माण कम्पनीहरूले निर्धारित समयमा कार्य सम्पन्न गर्ने प्रतिबद्धता जनाएका छन् ।
सम्झौतापछि सञ्चारकर्मीसँग कुरा गर्दै एमसीए–नेपालका कार्यकारी निर्देशक खड्गबहादुर विष्टले, तीन खण्डमा विभाजित ३१५ किलोमिटर लामो प्रसारण लाइनमध्ये १८ किलोमिटरको ठेक्का गएको वर्ष नै सम्झौता भइसकेको र बाँकी रहेको ११७ किलोमिटरको पनि केही दिनमै सम्झौता हुने तयारीमा रहेको जानकारी दिए ।
© २०२३
सर्वाधिकार सुरक्षित
Design & Developed By:
