खोज

 काठमाडौं, २९ साउन ।

संसदको शिक्षा, स्वास्थ्य तथा सूचना प्रविधि समितिबाट पारित विद्यालय शिक्षा विधेयकप्रति गहिरो असन्तुष्टि जनाउँदै निजी विद्यालय सञ्चालकहरूले चरणबद्ध आन्दोलनको कार्यक्रम सार्वजनिक गरेका छन् ।

निजी क्षेत्रका विद्यालय सञ्चालकहरूको छाता संगठन प्याब्सन र एनप्याब्सनले संयुक्त विज्ञप्ति जारी गर्दै विधेयकले निजी शिक्षाको अस्तित्व, स्वायत्तता र लगानीको संरक्षण गर्न नसक्ने भन्दै विरोध जनाएका हुन् । जसअन्तर्गत आज पालिका प्रमुख र शिक्षा शाखा प्रमुखलाई ज्ञापनपत्र बुझाउने कार्यक्रम रहेको छ ।

शुक्रबार जिल्ला प्रशासन, जिल्ला समन्वय समिति र शिक्षा विकास तथा समन्वय इकाइमा ज्ञापन पत्र बुझाउने, भदौ १ गते प्रदेशका मुख्यमन्त्री र सामाजिक विकास मन्त्रीलाई पनि ज्ञापनपत्र बुझाइने कार्यक्रम तय गरेका छन् ।

यस्तै, भदौ २ गते आफ्नो क्षेत्रका सांसदहरूलाई ज्ञापन पत्र बुझाउने र सुझाव संकलनका लिग राष्ट्रिय परिषद्को भर्चुअल बैठक गर्ने निर्णय प्याब्सन रएनप्याब्सले गरेका छन् ।

भदौ ३ गते पालिका, ४ गते जिल्ला, ५ गते प्रदेशस्तरीय आन्दोलन तयारी बैठक गर्ने र ६(७ गते केन्द्ररप्रदेशस्तरमा सरोकारवालासँग अन्तरक्रिया कार्यक्रम राखिएको छ ।

प्याब्सनका अध्यक्ष कृष्णप्रसाद अधिकारी र एनप्याब्सनका अध्यक्ष सुभाष न्यौपानेद्वारा हस्ताक्षरित विज्ञप्तिमा सबै तहका समितिलाई सक्रिय सहभागिता र आवश्यक तयारी गर्न निर्देशन दिइएको छ ।