खोज

लमही ,२८ साउन। 

राप्ती स्वास्थ्य विज्ञान प्रतिष्ठानमा अत्याधुनिक दाँतसहित मुखकै सिटी स्क्यान गर्ने मेसिन आएको छ । स्वास्थ्य मन्त्रालयको निर्देशन अनुसार आपूर्ति महाशाखाले दाँतसहित मुखको सिटी स्क्यान गर्ने गरि सिबिसिटि मेसिन पठाएको हो ।

सिबिसिटि मेसिन अत्याधुनिक प्रविधिको रहेको र यसले दाँतसहित मुखको उपचारमा सहयोग पुर्‍याउने बायो मेडिकल इन्जिनियर शरद भण्डारीले बताए । उनले अहिले मेसिन जडान कार्य सकिएको र अबदेखि यो पनि सेवा थपिएकाले यहाँका सेवाग्राहीले नियमित प्राप्त गर्न सक्ने भण्डारीले बताए ।

प्रतिष्ठानका रजिस्ट्रार प्रा। श्याम लम्सालले स्वास्थ्य मन्त्रालयले आपूर्ति महाशाखाबाट मेसिन खरिद गरेर पठाई दिएर निकै सहयोग पुर्‍याएको भन्दै दाँत र मुखको शल्यक्रिया गर्दा सिबिसीटि मेसिन अत्यन्तै उपयोगी हुने बताए ।

अस्पतालका निमित्त निर्देशक प्राडा जनार्दन पन्थीले निकै मेहनत गरेर मन्त्रालयबाट मेसिन ल्याइएको र यसको पूर्ण सदुपयोग हुने बताए । पश्चिम नेपालमा सरकारी अस्पतालमा पहिलो पटक मेसिन दाङको प्रतिष्ठानमा आएको पन्थीले बताए । साथै पन्थीले नयाँ इन्डोसकोपि मेसिन पनि प्रतिष्ठानमा आएको जानकारी दिए ।

ञदात र मुखको सिटी स्क्यान गर्न दाङ बाहिर अब जानुपर्दैन, सामान्य किसिमको ओबिजि मेसिन प्रतिष्ठानसँगै थियो, तर, यो अहिले आएको मेसिन अत्याधुनिक प्रविधिको हो, दाँतको मात्रै होइन, मुखको पुरै भाग सिटी स्क्यान गर्न मेसिनबाट सकिन्छ, उपचारमा धेरै नै सहयोगी हुनेछ यो मेसिन( दन्त रोग विशेषज्ञ डा। निरोज खनालले भने । यो मेसिनबाट थ्री डि इमेज हेर्न सकिनेछ ।