Butwal Today

माछा पोखरीमा डुबेर गुल्मीमा एक व्यक्तिको मृत्यु

बुटवल टुडे
२८ श्रावण २०८२, बुधबार
अ
अ+
अ-

गुल्मी, २८ साउन  । 

माछा पोखरीमा डुबेर गुल्मीमा एक व्यक्तिको मृत्यु भएको छ । मृत्यु हुनेमा  चन्द्रकोट गाउँपालिका ‐ ८ रजालीटोल बस्ने ४५ वर्षीय तुल्सी बहादुर क्षेत्री रहेको जिल्ला प्रहरी कार्यालय गुल्मीले जनाएको छ ।

चन्द्रकोट गाउँपालिका ‐ ८ रामपुर स्थित स्थानीय बहुउद्देश्यीय कृषक समूहले माछा पालन गर्दै आएको पोखरीको डिलमा मंगलबार बेलुकीपख पुरुषको टिसर्ट, पाइन्ट, चप्पल र टोपी देखेपछि स्थानीयहरुले प्रहरीमा खबर गरेका थिए ।

उक्त घटनाको जानकारी प्राप्त भएपछि अस्थायी मनसुन प्रतिकार्य सुरक्षा वेश क्याम्पबाट प्रहरी सहायक निरीक्षक विकास परियारको नेतृत्वमा गएको दश जना र प्रहरी चौकी मजुवाबाट प्रहरी सहायक निरीक्षक शिवधन कुडहरियाको नेतृत्वमा गएको पाँच जनाको संयुक्त टोलीले खत्रीको शव डुबेको अवस्थामा पोखरीबाट बाहिर निकालेको थियो ।

घटनाको बारेमा थप अनुसन्धान गर्न जिल्ला प्रहरी कार्यालय गुल्मीबाट प्रहरी निरीक्षक भूपेन्द्र थापाको नेतृत्वमा सात जनाको टोली गए राती नै घटना स्थल पुगिसेको जिल्ला प्रहरी कार्यालय गुल्मीका सूचना अधिकारी एवं प्रहरी नायव उपरीक्षक गङ्गा बहादुर सारूले जानकारी दिएका छन् ।

सम्बन्धित खबर

सुदूरपश्चिममा ४८१ मतदान स्थल अति संवेदनशील

हिउँदे वर्षाले किसान खुसी 

रसुवाको उत्तरी भेगमा हिमपात

काङ्ग्रेसद्वारा विभिन्न समिति बनाउन पार्टीका सबै तहलाई निर्देशन

राष्ट्रियसभा: शून्य समयमा समसामयिक विषयमा सरकारको ध्यानाकर्षण

इन्डोनेसियामा पहिरोका कारण मृत्यु हुनेको सङ्ख्या ३४ पुग्यो, दर्जनौँ अझै बेपत्ता

चितवनमा तीन हजार निर्वाचन प्रहरी खटिने

चार सय बढीमा क्षयरोगको सङ्क्रमण