© २०२३
२३ मंसिर २०८२, मंगलवार
२३ मंसिर २०८२, मंगलवार
गुल्मी, २५ साउन ।
गुल्मीको रुरुक्षेत्र गाउँपालिकाले आइतबार सार्वजनिक बिदा दिने भएको छ । गाईजात्रा पर्वको अवसरमा गाउँपालिकाले आइतबार एक दिनका लागि पालिका भित्र सार्वजनिक बिदा दिने निर्णय गरेको रुरुक्षेत्र गाउँपालिका अध्यक्ष यदु ज्ञवालीले बताएका छन् ।
पालिकाले सूचना प्रकाशन गरी उक्त अवसरमा विगत वर्षहरूमा जस्तै यस वर्ष पनि साउन २५ गते सार्वजनिक बिदा दिने निर्णय गरेको हो । सामाजिक तथा सांस्कृतिक तरिकाबाट मनाइँदै आएको गाईजात्रा पर्व रुरुक्षेत्र गाउँपालिकामा विशेष पर्वको रूपमा मनाइने गरिन्छ ।
उक्त दिन गाउँ कार्यपालिकाको कार्यालय र त्यस अन्तर्गतका सम्पूर्ण कार्यालय, स्वास्थ्य संस्था, शिक्षण संस्था, बैङ्क तथा वित्तीय संस्थाहरू तथा अन्य सङ्घ संस्थाहरू पूर्ण रूपमा बन्द हुने बताइएको छ ।
जिल्लामा अन्य पालिकाहरूको तुलनामा रुरुक्षेत्रमा नेवार समुदायको बाक्लो जनसङ्ख्या रहेको छ ।
यस पर्वको अवसरमा आफ्ना दिवङ्गत परिवारका सदस्यहरूको स्मृतिमा नेवार समुदायले गुल्मीको रिडी, बलेटक्सार, तम्घास, वामीटक्सार लगायतका मुख्य बजार क्षेत्रमा गाईजात्रा निकाल्ने परम्परा रहेको छ ।
© २०२३
सर्वाधिकार सुरक्षित
Design & Developed By:
