खोज

बुटवल, २४ साउन ।
नेपाल लायन्स दिवसको अवसर पारेर लायन्स क्लब अफ बुटवल सिद्धार्थले शनिबार रामनगरस्थित नन्दिनी गौशालामा दाना वितरण गरेको छ ।

लायन्स इन्टरनेशनलको सेवाका विधाहरु मध्ये हन्गर अन्तरगत एरिया–४ को जोन ३० का जोन चेयरपर्सन रितु गुरुङ, क्लबका निवर्तमान अध्यक्ष मोहनविक्रम प्याथ, पूर्व अध्यक्ष नारायण कुंवर, कलबका अध्यक्ष राजु भारी, क्लबका प्रथम उपाध्यक्ष ईन्दु भट्टराई, कोषाध्यक्ष तेजकुमार पौडेल, क्लबका सचिव यकराज पौडेल समिरले गौशाला ब्यवस्थापन समितिलाई २ सय केजी बराबरको दाना हस्तान्तरण गरे ।

कार्यक्रममा जोन चेयरपर्सन रितु गुरुङले छाडाचौपाया ब्यवस्थापनसंगै समुदायको धेरै विषयबस्तु जोडिएको बताईन । बजारमा बढ्दो सडक दुर्घटना, मानविय क्षति न्यूनिकरणका साथै नगरलाई सौन्दर्यीकरण गराउने महत्वपूर्ण काममा गौशालाबाट अप्रत्यक्ष रुपमा योगदान मिल्ने उनले बताईन ।

कार्यक्रममा कलबका अध्यक्ष राजु भारीले चौपाया संरक्षणसंगै यस क्षेत्रमा सडक दुर्घटनालाई न्युनिकरणमा गौशालाबाट महत्वपूर्ण योगदान मिलेको भन्दै सबैको साथसहयोग जरुरी रहेको बताए ।
क्लबबाट वार्षिक कार्ययोजना अनुसार विभिन्न सामाजिक क्षेत्रमा रचनात्मक कार्यक्रमको तयारी रहेको संयोजक छविलाल अर्यालले बताए ।