खोज

बुटवल, २४ साउन ।
ब्रह्मकुमारी ईश्वरीय विश्वविद्यालय राजयोग प्रशिक्षण केन्द्र नेपालको आयोजनामा शनिबार बुटवलमा पवित्रता एवं स्नेहको प्रतिक पावन पर्व रक्षाबन्धन महोत्सव सम्पन्न भएको छ । कार्यक्रममा केन्द्र नेपालका उपाध्यक्ष तथा सहनिर्देशक कमला दिदिले रक्षा बन्धनको महत्वपारे प्रकाश पार्दै धार्मिकमात्र नभई नैतिक र बैज्ञानिक रुपमा पनि आजको दिनको महत्व रहेको बताईन ।

आसुरी शक्तिबाट बचाउने पवित्र दिन रक्षा बन्धन भएको भन्दै जनै बाध्नु बन्धनमा बाधिनु भएको बताईन । ‘मानिस अरु बन्धनमा बाधिन चाहदैनन तर यो बन्धनप्रति भने मोह रहेको छ ।’–उनले भनिन । हाम्रो समाजमा रहेका राम्रा संस्कार, संस्कृतिलाई अंगाल्दै मानव कल्याण बिरुद्धका गलत कार्यलाई त्याग्न उनको सुझाव छ ।

यसैबिच स्वर्गिय दादी प्रकाशमणिको स्मृतिमा भदौ ६ देखी ९ गतेसम्म हुने वृहत रक्तदान कार्यक्रमबारे प्रकाश पार्दै उनले यो अवधिमा १ लाख युनिट रगत संकलन गर्ने महान अभियान रहेको बताईन । नेपाल र भारतका सबै शाखाहरुमा कार्यक्रम गरिने उनले बताए. । स्वर्गिय दादी प्रकाशमणि १९६९ .बाट २००७ सम्म ब्रह्माकुमारी संगठनको मुख्य प्रशासिका को रुपमा कार्य गरेकी थिईन ।

केन्द्रमा भएको कार्यक्रममा लुम्बिनी प्रदेशका मुख्यमन्त्री चेतनारायण आचार्यले सम्बोधन गर्दै सकारात्मक सोच र आध्यात्मिक ज्ञानले समाज रुपान्तरण सम्भव हुने बताए । ‘सकारात्मक चिन्तनले नै समाजलाई गतिशील बनाउछ ।’– उनले भने । जनै पूर्णिमा तथा रक्षाबन्धनको अवसरमा शुभकामना व्यक्त गर्दै उनले धार्मिक संस्कारसँगै पारिवारिक सम्बन्ध बलियो बनाउने पर्वका रूपमा यसलाई व्याख्या गरे । लुम्बिनी प्रदेश सरकारले मौलिक कला, संस्कृति र परम्पराको प्रवद्र्धनमार्फत समृद्ध प्रदेश निर्माणको संकल्प लिएको बताए ।