खोज

लमही, २२ साउन ।

घोराही  लमही सडक खण्डअन्तर्गत घोराही उपमहानगरपालिका–३  मसोटखोला ४ दिन बन्द भनिए पनि वैकल्पिक मार्गबाट सुचारु हुने भएको छ। साउन २१ देखी २४ सम्म  ४ दिनका लागि  बन्द गरिने सार्वजनिक सूचना जारी भए लगतै जिल्लावासीको व्यापक गुनासो पछि वैकल्पिक मार्ग डाइभर्सन बनाउन लागे सडक डिभिजन शाखा कार्यालय दाङले जनाएको छ ।

मसोटखोलाको जीर्ण पुलमा मर्मतको काम भइरहेकाले जिल्ला प्रशासन कार्यालय दाङले साउन २१ गतेदेखि २४ गते बिहान ७ बजेसम्म चार पाङग्रे सवारी साधन आवतजावतमा रोक लगाउने सार्वजनिक सूचना जारी गरिए पनि पुन वैकल्पिक सडक बनाइएको छ ।

वैकल्पिक सडकमार्फत यातायात सञ्चालन गरिएको जिल्ला ट्राफिक प्रहरी कार्यालय दाङले जनाएको छ । बर्सात भएमा भने वैकल्पिक मार्ग समेत अवरुद्ध हुने देखिन्छ । मसोटमा खोला पुलको आकस्मिक मर्मत कार्यका कारण चार दिनसम्म सवारी आवागमन बन्द गरिने भनिएको थियो।

जिल्लाको प्रमुख सडक सञ्जालमा पर्ने उक्त पुल मर्मत गर्नुपर्ने अवस्था आएपछि जिल्ला प्रशासन कार्यालय दाङमा बसेको सर्वपक्षीय बैठकले मर्मत अवधिभर विशेष सावधानी अपनाउने निर्णय गरेको थियो।

निर्णयअनुसार यही साउन २१ गते बिहान ७ बजेदेखि २४ गते बिहान ७ बजेसम्म मसोट खोला पुलमा दुई पाङ्ग्रेबाहेकका अन्य सबै प्रकारका सवारीसाधनको आवागमन पूर्ण रूपमा रोकिने सार्वजनिक सूचना जारी भएको थियो।