© २०२३
४ पुष २०८२, शुक्रबार
४ पुष २०८२, शुक्रबार
काठमाडौँ, २२ साउन ।
नेकपा माओवादी केन्द्रका अध्यक्ष पुष्पकमल दाहाल प्रचण्डले राज्य व्यवस्था तथा सुशासन समितिका सभापति रामहरि खतिवडाले नैतिकताको आधारमा राजीनामा दिनुपर्ने जनाएका छन् । हालै संसदबाट पारित भएको सङ्घीय निजामती सेवा विधेयकको प्रतिवेदनमा ‘२ वर्षे कुलिङ पिरियड’ सम्बन्धी त्रुटिका बारेमा बोल्दै उनले सभापति खतिवडाले राजीनामा दिनु पर्ने बताएका हुन् ।
आज राष्ट्रिय सभागृहमा अनेरास्ववियु क्रान्तिकारीले आयोजना गरेको ‘विद्यार्थीसँग प्रचण्ड संवाद कार्यक्रम’ मा बोल्दै सो राजीनामा मागेका हुन् । ‘रामहरिजी नैतिक जिम्मेवार ठहरिनुभएको छ, उहाँलाई नैतिक रूपमा सभापतिमा बस्ने आधार छैन,’ उनले भने, ‘अब राजीनामा दिएर राजनीतिक व्यक्तित्वको सुरक्षा गर्नुपर्छ।’
विशेष संसदीय छानबिन समितिको प्रतिवेदनले पनि सभापतिको हैसियतमा खतिवडाले नैतिक जिम्मेवार लिनु पर्ने गरी प्रतिवेदन बुझाएको थियो । प्रचण्डले उक्त विधेयकमाथि भएको त्रुटिको जिम्मेवारी खतिवडाले मात्र नभएर सिङ्गो सदनले लिनुपर्नेमा पनि जोड गरेका छन् ।
© २०२३
सर्वाधिकार सुरक्षित
Design & Developed By:
