© २०२३
२८ मंसिर २०८२, आइतबार
२८ मंसिर २०८२, आइतबार
काठमाडौं, १९ साउन।
नेकपा माओवादी केन्द्रले पार्टी उपमहासचिव जनार्दन शर्माले स्थायी कमिटी बैठकमा आत्मालोचना नगरेको जनाएको छ। यद्यपि, पार्टी प्रवक्ता तथा उपाध्यक्ष अग्नि सापकोटाका अनुसार शर्माले गल्तीको महसुस भने गर्न थालेका छन्।
“आत्मालोचना त गर्नुभएको छैन, तर रियलाइजेसनको मात्रा बढेको छ,” सापकोटाले बैठकपछि सञ्चारकर्मीहरूसँग भने। उनका अनुसार, छलफलको क्रममै यो विषय निष्कर्षमा पुग्ने विश्वास पार्टी नेतृत्वलाई छ।
बैठकमा धेरैजसो सदस्यहरूले शर्मासँग स्पष्ट आत्मालोचना माग गरेका थिए। जवाफमा शर्माले पार्टी बिग्रिएको जिम्मा अध्यक्ष पुष्पकमल दाहाल ‘प्रचण्ड’ ले लिन तयार भए मात्र आफू पनि आत्मालोचना गर्न तयार हुने बताएका थिए।
सापकोटाले गुट, उपगुट र स्वार्थ समूह अन्त्य गर्ने निर्णय बैठकले नै गरिसकेको भन्दै यसबारे धेरै अल्झिनु नपर्ने टिप्पणी गरे। उनले भने, “छलफल गर्दै जाँदा यो टुंगिन्छ भन्ने विश्वासमा छु।”
पार्टीभित्रको एकता, अनुशासन र पारदर्शिताबारे हालसालै बढ्दो बहससँगै यो विषय थप चासोको विषय बनेको छ।
© २०२३
सर्वाधिकार सुरक्षित
Design & Developed By:
