© २०२३
२७ मंसिर २०८२, शनिबार
२७ मंसिर २०८२, शनिबार
बुटवल ।
बुटवलस्थित गौतमबुद्ध सामुदायिक मुटु अस्पतालका एक कर्मचारीमाथि सेवाग्राही किशोरीप्रति दुर्व्यवहार गरेको आरोप लागेपछि प्रहरीले उनलाई नियन्त्रणमा लिएको छ।
इलाका प्रहरी कार्यालय बुटवलका अनुसार १७ वर्षीया किशोरी अस्पतालमा भिडियो एक्स-रे गराउन गएका बेला दुर्व्यवहार भएको भनी उजुरी परेपछि अस्पतालको एक्स-रे विभागमा कार्यरत ३१ वर्षीय सुवास गौतमलाई पक्राउ गरिएको हो। हाल घटनाको अनुसन्धान जारी रहेकाले विस्तृत विवरण दिन नसकिने प्रहरीले जनाएको छ।
यता, बुटवल उपमहानगरपालिका–१० का वडा अध्यक्ष बलबहादुर पुनले सामाजिक सञ्जालमार्फत घटनाप्रति गम्भीर चिन्ता व्यक्त गर्दै दोषीलाई कानुनी दायरामा ल्याई कडाभन्दा कडा कारबाही हुनुपर्ने माग गरेका छन्।
अस्पतालजस्तो संवेदनशील सेवास्थलमा यसप्रकारको घटना भएको भन्दै सेवाग्राही र बिरामीको सुरक्षाप्रति प्रश्न उठेका छन्। यसबारेमा अस्पताल प्रशासनले भने औपचारिक प्रतिक्रिया दिइसकेको छैन।
© २०२३
सर्वाधिकार सुरक्षित
Design & Developed By:
