© 2026
१४ माघ २०८२, बुधबार
१४ माघ २०८२, बुधबार
काठमाडौँ ।
बागमती प्रदेशका मुख्यमन्त्री बहादुरसिंह लामाले राजीनामा घोषणा गरेपश्चात काठमाडौँ हानिएका छन् ।
राजीनामा घोषणा गरेपश्चात उनी प्रमुख स्वकीय सचिव छत्रबहादुर लामालाई राजीनामा पत्र बुझाउने जिम्मा छाडेर काठमाडौँ हिँडेका हुन् ।
आइतबार पत्रकार सम्मेलन गर्दै राजीनामा घोषणा गरेका उनले प्रमुख स्वकीय सचिव लामालाई राजीनामा बुझाउने जिम्मा दिएको बताए । प्रमुख स्वकीय सचिव लामाले भोलि मात्रै प्रदेश प्रमुख दीपक देवकोटालाई राजीनामा बुझाउने लामाले बताए ।
‘मैले राजीनामा पत्रमा हस्ताक्षर गरिसकेको छु । सार्वजनिक रूपमा घोषणा पनि गरिसके । आज नै बुझाउने भनेको प्रदेश प्रमुख ज्यू उपचारमा रहनु भएकाले भोली मात्र बुझाउने काम हुन्छ,’ उनले भने, ‘उहाँ हेटौँडा भएको भए आजै बुझाउने थिए । उहाँ भोली आउने भएकाले स्वकीय सचिवलाई जिम्मा छाडेको छु । उहाँ आउनुभए भेटेर दिने अन्यथा कार्यालयमा दर्ता गरेर छाड्ने गरी निर्देशन गरेको छु ।’
प्रदेश प्रमुख देवकोटा स्वास्थ्य उपचारपछि आज मात्रै अस्पतालबाट डिस्चार्ज भएका छन् ।
© 2026
All rights reserved.
Design & Developed By:
