© २०२३
२७ मंसिर २०८२, शनिबार
२७ मंसिर २०८२, शनिबार
दाङ ,१८ साउन ।
दाङमा मोटरसाइकलको ठक्करबाट गम्भीर घाइते भएकी महिलाको उपचारको क्रममा मृत्यु भएको छ ।
दाङको बिरौजीमा पैदल हिडिरहेको समयमा तुलसीपुर उपमहानगरपालिका– १९ बाँसगढीका ६५ वर्षका गौमती रोकालाई मोटरसाइकलले ठक्कर दिएर गम्भीर घाइते भएकी उनको उपचारको क्रममा मृत्यु भएको प्रहरीले जनाएको छ ।
रोकालाई बाटोमा हिँडिरहेको अवस्थामा मोटरसाइकलले हिजो ठक्कर दिएको थियो । रोकाको भेरी अस्पताल नेपालगन्ज बाँकेमा उपचारको क्रममा हिजो साढे ६ बजेतिर मृत्यु भएको इलाका प्रहरी कार्यालय तुलसीपुरका प्रहरी निरीक्षक सूर्य रानाले जानकारी दिए ।
रोकाको दुवै खुट्टा, टाउको र छातीमा चोट लागेको थियो । घाइते रोकालाई राप्ती प्रादेशिक अस्पताल तुलसीपुरमा सामान्य उपचार पछि थप उपचारको लागि कोहलपुर रेफर गरिएको थियो ।
शनिबार दिउँसो साढे २ बजेतिर तुलसीपुर उपमहानगरपालिका–१९ बाँसगढीमा कुटिचौरबाट बिजौरीतर्फ आउँदै गरेको रा. ५ प २६७८ नम्बरको मोटरसाइकलले पैदल यात्री रोकालाई ठक्कर दिएको थियो ।
ठक्कर दिने मोटरसाइकलमा दुई जना सवार रहेका थिए । मोटरसाइकल चालक तुलसीपुर उपमहानगरपालिका– ७ का १६ वर्षका लक्ष्मण भुसाललाई प्रहरीले नियन्त्रणमा लिएको छ ।
© २०२३
सर्वाधिकार सुरक्षित
Design & Developed By:
