नवलपरासी पश्चिम् ।
बर्दघाट नगरपालिकाका सामुदायिक माध्यमिक विद्यालयहरूमा सञ्चालन भएको ‘एक विद्यालय, एक नर्स कार्यक्रम’ प्रभावकारी बन्दै गएको छ ।
विद्यालयमै नर्स पठाएर स्वास्थ्य सेवा दिएसँगै विद्यार्थी सामान्य स्वास्थ्य जाँच र औषधीका लागि अन्यत्र जानुपर्ने बाध्यताबाट मुक्त भएका छन् । विद्यालयमै सामान्य स्वास्थ्य सेवा सहित पढ्न पाउँदा विद्यार्थी पनि खुसी देखिन्छन् ।विद्यालयमै सामान्य उपचार हुने भएपछि अविभावक पनि ढुक्क हुने गरेका छन् ।
बर्दघाट नगरपालिकामा कार्यरत स्टाफ नर्स सविना रूपाखेतीले विद्यार्थीलाई रोग लागेपछि उपचार गर्नुभन्दा रोग लाग्नबाट कसरी बच्न सकिन्छ भन्नेबारे समेत जानकारी दिँदै आएको बताउँछिन् ।सामान्य ज्वरो, रुघाखोकी,पेट दुखेको र सामान्य चोटपटक लागेको जस्ता बिरामी विद्यार्थीहरूलाई विद्यालयमै औषधि खुवाइने र अधिकाङ्स विद्यार्थीहरू निको हुने गरेको उनले बताइन ।”हामिले उपचार गर्न नसक्ने बिरामी हरूलाई अभिभावकहरूलाई खबर गरि मेडिकल ,अस्पगरीहरुमा पठाउछौ “रुपाखेतीले भनिन ।
१५ ।१५ दिनमा विद्यालय नर्सलाई मावि तहका विद्यालय हरूमा पठाईने गरिएको र अहिले थप एक जना नर्स माग गरिएको नगरप्रमुख शम्भुलाल श्रेष्ठले जानकारी दिए ।”विद्यालयमै स्वास्थ्यमा समस्या देखिएको खण्डमा सामान्य औषधोपचार त हुन्छ नै नर्स मार्फत उनिहरुलाई सहानुभूति र अविभावकिय भूमिका पनि होस भन्ने हाम्रो अपेक्षा छ,ताकी उनीहरूका अविभावकलाई पनि विद्यालय प्रति विश्वास होस र विद्यालय पठाएपछि घर न आउँदा सम्मको समयसम्म ढुक्क होस भन्ने हो”श्रेष्ठले भने ।
स्टाफ नर्स भएपछि छात्राहरूले आफ्ना समस्या खुलेर राख्न पाएका छन् । सेनेटरी प्याड विद्यालयमै पाउँछन् । महिनावारी हुने बेलामा त्यस्ता छात्राहरू विद्यालय नआउने समस्या थियो । स्टाफ नर्स भएको विद्यालयमा एउटा छुट्टै आराम गर्ने कोठा पनि हुन्छ । त्यसले गर्दा छोरीहरूको विद्यालय आउने क्रम समेत बढ्ने विश्वास रहेको स्वास्थ्य शाखा प्रमुख माधव ज्ञवालीले बताए।
बर्दघाट नगरपालिका वडा नम्बर ५ मा रहेको शान्ति निकुन्ज म मावि का प्रधानाध्यापक विनोद खनालले विद्यालयमा नर्सको व्यवस्था भएसँगै विद्यार्थीलाई धेरै सजिलो भएको बताउँछन । आवश्यक परेको बेलामा अन्य समयमा पनि विद्यार्थीको स्वास्थ्य अवस्थाबारे जानकारी लिने काम हुँदै आएको छ ।विद्यार्थीहरूलाई सरसफाइ र स्वास्थ्यका बारेमा समेत विद्यालय नर्स मार्फत जानकारी दिईदै आईएको खनालले बताए ।
उक्त कार्यक्रम सञ्चालन भएको विद्यालयमा विद्यार्थीले स्वास्थ्य जाँचको सुविधा विद्यालयमा पाउन थालेपछि अभिभावकसमेत उक्त कार्यक्रमले खुसी हुने गरेको उनले बताए ।स्थानिय श्रोतबाट नर्स ब्यवस्थापन गरिएको प्रमुख प्रशासकीय अधिकृत प्रकाश खनालले जानकारी दिए ।
२७ मंसिर २०८२, शनिबार
