© २०२३
२० मंसिर २०८२, शनिबार
२० मंसिर २०८२, शनिबार
बुटवल, १७ साउन ।
रोटरी ई क्लब अफ मेडिकोफयुजन हाईब्रिड नेपाल र अल्फा लियो क्लब अफ बुटवल होराईजनको संयुक्त आयोजनामा निशुल्क स्वास्थ्य परिक्षण कार्यक्रम गरिएको छ । न्यू होराईजन माबिमा शनिबार भएको स्वास्थ्य परिक्षणमा विद्यार्थीहरुको जनरल तथा ईएनटी (नाक, कान, घाँटी) परीक्षण गरिनुका साथै आवश्यक औषधी वितरण समेत गरिएको हो ।
स्वास्थ्य परिक्षणमा चिकित्सकहरु डा. सन्तोष पोखरेल, डा. प्रकाश बस्नेत, डा. बिनिता भट्टराई, डा. बिनेश शाक्य र डा. विजय भण्डारीले स्वास्थ्य परीक्षण सेवा प्रदान गरेका थिए ।
कार्यक्रमको एक समारोहका बिच विद्यालयका प्राचार्य लोकनाथ उपाध्यायले औपचारिक रुपमा उद्घाटन गर्दै स्वस्थ शरीरमै स्वस्थ मन बस्छ भन्ने कुरालाई आत्मसात् गर्दै विद्यालयस्तरमै यस्तो स्वास्थ्य परीक्षण कार्यक्रम हुनु निकै सराहनीय भएको बताए ।
कार्यक्रममा डा. सन्तोष पोखरेलले बालबालिकाहरूमा समयमै समस्या पहिचान गर्न सकियो भने भविष्यमा ठूला जोखिम टार्न सकिने भन्दै विद्यालयमा पुगेर सेवा दिन पाउनु स्वयं चिकित्सकहरुका लागि पनि गर्वको कुरा भएको बताए ।
कार्यक्रममा २५० भन्दा बढी विद्यार्थीको परीक्षण तथा औषधी वितरण गरिएको लियो क्लबकी अध्यक्ष प्रिश्मा बस्नेतले बताइन् ।
© २०२३
सर्वाधिकार सुरक्षित
Design & Developed By:
