© २०२३
२७ मंसिर २०८२, शनिबार
२७ मंसिर २०८२, शनिबार
काठमाडौं, १६ साउन।
अब सवारी चालक अनुमतिपत्र (लाइसेन्स) १० वर्षसम्म मान्य हुने भएको छ। सरकारले केही नेपाल ऐनहरू संशोधन गर्न तयार पारेको विधेयक राजपत्रमा प्रकाशित गरेपछि यो व्यवस्था लागू भएको हो।
सवारी तथा यातायात व्यवस्था ऐन, २०४९ अन्तर्गतको दफा ५४ को उपदफा ३ संशोधन गर्दै, लाइसेन्सको बहाल अवधि ५ वर्षबाट बढाएर १० वर्ष कायम गरिएको हो। यो परिवर्तनसँगै अब लाइसेन्स नविकरणबाट मान्य हुने समयसीमा पनि १० वर्ष हुने स्पष्ट गरिएको छ।
यसअघि नविकरण गर्दा लाइसेन्सको वैधता ५ वर्ष मात्र हुने गरेको थियो। अबको व्यवस्था अनुसार एक पटक नविकरण गरेपछि चालकले १० वर्षसम्म पुनः नविकरण गर्नु नपर्ने सुविधा पाउने छन्।
नयाँ व्यवस्थाले लाइसेन्स व्यवस्थापनमा सुधार ल्याउनुका साथै सेवाग्राहीका लागि समय र खर्चमा पनि राहत दिने अपेक्षा गरिएको छ।
साथै, सवारी जाँचपास र प्रदूषण परीक्षणका कामहरूमा निजी क्षेत्रलाई पनि सहभागी गराउने व्यवस्था विधेयकमा उल्लेख छ, जसले सार्वजनिक सेवामा निजी साझेदारीको ढोका खोल्ने संकेत दिएको छ।
© २०२३
सर्वाधिकार सुरक्षित
Design & Developed By:
