खोज

बुटवल, १६ साउन ।
रोटरी क्लब अफ बुटवल डाउनटाउनले ब्लड क्यान्सर पीडित लिला पाण्डेलाई आर्थिक सहयोग प्रदान गरेको छ । शुक्रबार क्लबको सचिवालयमा आयोजित दोस्रो क्लब एसेम्बली तथा १०३७ औं नियमित बैठकमा क्लबका पदाधिकारी, सल्लाहकार तथा सदस्यहरूबाट संकलन गरिएको २३ हजार ५ सय रुपैयाँ पाण्डेकी आफन्तलाई हस्तान्तरण गरिएको हो ।

२२ वर्षीया लिला पाण्डे हाल काठमाडौँस्थित टिचिङ अस्पतालमा उपचाररत रहेकी छिन् । आर्थिक कठिनाइको कारण परिवारबाट सामाजिक सञ्जालमार्फत सहयोगको अपिल आएपछि मानविय उत्तरदायित्वका रुपमा सानो पहल गरेको क्लब अध्यक्ष बाबुराम बन्जाडेले बताए । सामाजिक सेवा सधै मानवता र दायित्वप्रतिको उत्तरदायित्व हुने भन्दै उनले क्लबको भावी योजना सामाजिक सशक्तीकरणमा केन्द्रित हुने बताए ।

यसैबिच क्लब एसेम्बलीमा क्लब एडमिनिष्ट्रेसन कमिटि चेयर कमल नेपाल, क्लब मेम्बरसीप कमिटि चेयरको तर्फबाट प्रेसिडेन्ट ईलेक्ट धर्म ज्ञवाली, क्लब पब्लिक रिलेसन कमिटि तेज कुमारी लुईटेल, क्लब सर्भिस प्रोजेक्ट कमिटि योगेन्द्र पन्थी, द टिआर एफ कमिटिका संयोजक शंकर ज्ञवालीले आआफनो प्रगति प्रतिवेदन क्लबका एजी शिव प्रसाद गौडेललाई प्रस्तुत गरेका थिए ।

यस क्षेत्रकै उत्कृष्ट क्लबका रुपमा परिचय बनाएको डाउनटाउनलाई थप रचनात्मक कार्यमा जोड दिन एजी गौडेलले सुझाव दिए ।
क्लबलाई सफल बनाउन सबै सदस्यहरुको भुमिका रहने भन्दै क्लबका सचिव केशव बश्यालले सहकार्यमा जोड दिन आग्रह गरे ।