खोज

• बाँकेका किसानहरू सुक्खा ब्याडमै धान रोप्न बाध्य भएका छन् ।
• सिक्टा सिँचाइ आयोजनाबाट अपेक्षित पानी आपूर्ति नभएको किसानहरूको गुनासो ।
• जानकी गाउँपालिका सबैभन्दा कम वर्षा हुने क्षेत्र भएकाले सधैँ ढिलो रोपाइँ हुने क्षेत्र हो ।

बाँके, १३ साउन । 

किसानहरू धानको ब्याड सुकेको अवस्थामा रोप्न थालेका छन् । लामो समय सम्म पानी नपर्दा बाँकेका सुकेको ब्याडबाट उनीहरूले धान रोप्न बाध्य भएको गाउँपालिका वडा नम्बर ४ की रिता शर्माले बताइन ।

उनले भनिन्–‘के गर्ने जेठ महिनामा निकै कम पानी परेको थियो हेर्दा हेर्दै श्रावण महिना पनि आधा हुन आँटिसक्यो तर रोपाइँको लागि पर्याप्त मात्रामा पानी परेको छैन ।

पहिला जेनतेन रोपेको धान पनि सुक्न थालेको छ, २ देखि ३ दिन लगाएर एक कट्ठा खेतमा पानी लगाउँदा सम्म ब्याड सुकिसकेको हुन्छ पहिलै ब्याड तयार नगरे खेतको पानी सुक्छ जसको कारणले सुकेकै ब्याडको बीउ रोप्न बाध्य भएको उनले बताए ।

नहरमा पानी आउँछ तर पहिला अगाडि खेत भएको किसानहरूले लगाउँछन् उता पानी पुगेपछि मात्र यताका किसानहरूको पालो पाउने भएकोले ब्याड सुक्ने अवस्थामा रहेको उनले बताए ।

नहरमा कहिले कसो मात्र पानी आउने गरेको हुन्छ, जसमा धेरै वर्ष पहिला बनेको नहर भएको कारणले पानी धेरैजसो खेर गएको हुन्छ । पानी खेर गए पनि पर्याप्त मात्रामा पानी नहरमा नआएको जानकारी गाउँपालिका वडा नम्बर ४ कै किसान हुसैन खाँले बताए ।

उनले भने, बाँकेको सबैजसो क्षेत्रमा पानी पर्छ तर यस क्षेत्रमा धेरै उद्योग भएको कारणले पनि पानी कम पर्ने गरेको जानकारहरूले बताउने गरेका छन् ।

पहिला रोपेको ब्याड सुक्ने अवस्था सम्म पुगिसकेको थियो तर सिमसिमे पानी आउन थालेपछि पहिला रोपेको धान जाग्छ कि भन्ने केही आशा पलाएको छ तर सुकेको अवस्थामा आइसकेको ब्याड जाग्छ कि जाग्दैन भन्ने आशा नरहेको किसान खाँले बताए ।

जानकी गाउँपालिकामा बाँकेको सबैभन्दा कम पानी पर्ने भएकोले यो क्षेत्रमा जिल्लाकै सबै भन्दा पछि रोपाइँ सकिने गरेको हुन्छ । गत वर्ष र पहिलाका वर्षहरूमा वर्षा राम्रो भएको कारणले पछि रोपाई गरे पनि उत्पादन राम्रै हुने गरेको थियो तर यो वर्ष उत्पादनमा निकै कमी आउन सक्ने उनले बताए ।

बाँकेको गौरव कै आयोजनामा रहेको सिक्टा नहर भए पनि नहरमा राम्रो सँग पानी आएको छैन । त्यही सिक्टा नहरले राम्रोसँग पानी वितरण गरेको भए अहिले सम्म रोपाइँ सकिसकेको किसान खाँले दाबी गरे ।

बाँकेमा अझै २० प्रतिशत धान रोपाइँ गर्न बाँकी रहेको छ । बाँकेको ६ पालिका माध्य जानकी गाउँपालिका र रैनापुर गाउँपालिकामा रोपाइँ गर्न बाँकी रहेको छ ।