खोज

• नेपालमा एमसीसी अन्तर्गतका परियोजनाहरू यथावत् रूपमा अगाडि बढ्ने भएका छन्।

• अमेरिकाबाट नेपाललाई पुनः कार्यान्वयन अगाडि बढाउन सिफारिस।

  

• एमसीसीको पत्र २०८१ साउन १२ गते  को मितिमा आएको हो।

काठमाडौँ ।

नेपालमा मिलेनियम च्यालेन्ज कर्पोरेसन (एमसीसी) अन्तर्गतका परियोजनाहरू यथावत् रूपले अगाडि बढ्ने भएका छन्।

अर्थ मन्त्रालयले सोमबार एक विज्ञप्ति जारी गर्दै अमेरिकाबाट प्राप्त पत्रअनुसार एमसीसी नेपाल कम्प्याक्टको पुनरावलोकन कार्य सकिएको र परियोजनालाई निरन्तरता दिन सिफारिस गरिएको जानकारी गराएको हो।

मन्त्रालयका प्रवक्ता श्यामप्रसाद भण्डारीद्वारा जारी विज्ञप्तिमा उल्लेख गरिएअनुसार, अमेरिकी सहायता संस्था एमसीसीको मिति जुलाई २४, २०२५ को पत्रमा पुनरावलोकन प्रक्रिया औपचारिक रूपमा अन्त्य भएको जनाइएको छ।

सो पत्रमा नेपाल सरकार र एमसीसीबीच २०७४ साल भदौ २९ गते सम्पन्न सम्झौता (कम्प्याक्ट)लाई निरन्तरता दिने सिफारिस गरिएको उल्लेख छ।

यसअघि, अमेरिकी राष्ट्रपतिको कार्यकारी आदेशअनुसार सन् २०२५ जनवरी २० देखि एमसीसी नेपाल कम्प्याक्ट कार्यान्वयनको प्रक्रिया पुनरावलोकनका लागि रोकिएको थियो।

फागुन २२ मा प्राप्त पत्रमार्फत यसको जानकारी दिइएको थियो। तर, पछिल्लो पत्रमा पुनरावलोकन सकिएको र पुनः कार्यान्वयन अगाडि बढाउने सिफारिस गरिएको स्पष्ट पारिएको मन्त्रालयले जनाएको छ।

सरकारले उक्त जानकारी सरोकारवालासमक्ष पुर्‍याउँदै एमसीसी अन्तर्गतका पूर्वनिर्धारित परियोजनाहरू यथावत् रूपमा कार्यान्वयन हुने स्पष्ट पारेको छ।