© २०२३
६ पुष २०८२, आइतबार
६ पुष २०८२, आइतबार
काठमाडौं, ११ साउन ।
संसद् सचिवालयका महासचिव पद्मप्रसाद पाण्डेयले कुलिङ पिरियडसम्बन्धी व्यवस्था राख्न नहुने भन्दै प्रधानमन्त्री केपी शर्मा ओलीलाई भेटेको स्वीकार गरेका छन्। उनले मुख्य सचिव एकनारायण अर्यालको अनुरोधमा सभामुख देवराज घिमिरे र राष्ट्रिय सभा अध्यक्ष नारायण दाहालसँग भेटका लागि सहजीकरण गरेको पनि बताए।
संघीय निजामती सेवा विधेयकको प्रतिवेदनमा कुलिङ पिरियड दुई वर्ष तोकिएको भए पनि प्रतिनिधि सभाबाट पास हुँदा उक्त व्यवस्था हटाइएको विषयमा संसदीय विशेष छानबिन समितिसँग महासचिव पाण्डेले उक्त कुरा बताएका हुन् ।
संसदीय छानबिन समितिले कुलिङ पिरियड नराख्ने विषयमा सभामुख र राष्ट्रिय सभा अध्यक्षसँग भेटेको विषयमा समेत प्रश्न गरेको थियो। पाण्डेयले पदीय जिम्मेवारी पूरा नगरेको आरोप अस्वीकार गर्दै आफूले सहजीकरण मात्र गरेको स्पष्ट पारे।
सांसदहरूले प्रधानमन्त्री ओलीलाई भेट्न गएको कारणसमेत पाण्डेयसँग सोधे, उनले भेटेको स्वीकार गरेतापनी कारण भने खुलाएनन्। कांग्रेस सभापति शेरबहादुर देउवासँग भेटेको विषयमा भने उनले अस्वीकार गरेका छन्।
पाण्डेयले आफूमाथि पूर्वाग्रह गरिएको बताउँदै आफूले पदीय जिम्मेवारी पूरा गरेको जिकिर गरे।
© २०२३
सर्वाधिकार सुरक्षित
Design & Developed By:
