नवलपरासी, ०७ साउन ।
जिल्ला प्रहरी कार्यालय नवलपरासीको जिल्ला भरिबाट राजस्व सङ्कलन गरी बुझाउने परिमाण बर्सेनि बढ्दै गएको छ । अदालतबाट फैसला कार्यान्वयन होस वा अवैध तथा चोरी तस्करी मालबस्तु बरामद होस प्रत्येक वर्ष प्रहरीले बरामद गर्ने र बुझाउने परिमाण वृद्धि हुँदै गएको प्रहरीको तथ्याङ्कले देखाएको छ ।
जिल्ला प्रहरी कार्यालयले आयोजना गरेको वार्षिक प्रगति सार्वजनिक करण कार्यक्रममा उक्त तथ्याङ्क प्रस्तुत गरिएको थियो । प्रस्तुत तथ्याङ्क अनुसार आर्थिक वर्ष २०८१/०८२ मा कुल १४ करोड ४६ लाख १८ हजार २ सय ११ रहेको छ ।
जबकी आर्थिक वर्ष २०८०/८१ मा कुल १० करोड ७४ लाख ९९ हजार ९६ रहेको थियो । त्यसै गरी आर्थिक वर्ष ०७९/०८० मा ९ करोड ७५ लाख २४ हजार ४ सय ३१ रहेको थियो भन्ने आर्थिक वर्ष ०७८/०७९ र ०७७/०७८ मा क्रमशः ६ करोड ९५ लाख ७२ हजार ५ सय ३६ रुपियाँ र ७ करोड १५ लाख ७५ हजार ४ सय ४९ रहेको थियो ।
अहिले चोरी तस्करीलाई विशेष ध्यानमा राखी नियन्त्रण अभियानसँगै अदालतको फैसला कार्यान्वयन गर्दा राजस्व उठाउनमा उल्लेख्य वृद्धि भएको नायब प्रहरी उपरीक्षक (डिएसपी) वीर दत्त पन्तले जानकारी गराएका थिए । अन्य अपराधिक गतिविधिको विवरण पनि सार्वजनिक गरिएको थियो ।
२८ मंसिर २०८२, आइतबार
