© २०२३
३ पुष २०८२, बिहीबार
३ पुष २०८२, बिहीबार
काठमाडौँ।
नेपाल कम्युनिस्ट पार्टी (नेकपा) का महासचिव नेत्रविक्रम चन्द ‘विप्लव’ ले केपी ओली कम्युनिस्ट भएकै कारण देश बिग्रिएको भन्ने प्रचार नियोजित रूपमा कम्युनिस्ट आन्दोलनलाई कमजोर पार्न गरिएको आरोप लगाएका छन्।
पुष्पलाल श्रेष्ठको ४७औँ स्मृति दिवसमा आयोजित कार्यक्रममा उनले कम्युनिस्टहरू गरिबीमै बाँच्छन् भन्ने धारणादेखि सुधारहरूलाई दलाल पुँजीवादले अस्वीकार गर्न खोजिरहेको बताए।
उनका अनुसार नेपालमा जसरी भए पनि कम्युनिस्टहरूलाई समाप्त पार्ने खेल चलिरहेको छ। विप्लवले पुष्पलाललाई पनि अवसरवादीहरूले नेतृत्वबाट हटाएको दाबी गर्दै, उनले अन्तिम समयसम्म आन्दोलन एकीकृत राख्न प्रयास गरेको स्मरण गरे।
उनले २००६ सालमा देखिएको सपना र अहिलेको यथार्थबीच फरक रहेकाले अब कस्तो नेपाल बनाउने भन्नेबारे गम्भीर सोच आवश्यक रहेको धारणा व्यक्त गरे।
साथै, दलाल पुँजीवादीहरू जनतालाई प्राप्त न्यून अधिकारसमेत स्वीकार्न तयार नरहेको टिप्पणी गरे।
© २०२३
सर्वाधिकार सुरक्षित
Design & Developed By:
